22.06.2026 | 04:06
ԱԱ-2026. Ուրուգվայ – Կաբո Վերդե` 2:2. ՏԵՍԱՆՅՈՒԹ
ԱՄՆ պաշտպանական հայտնի ընկերությունների պաշտոնյաները Բաքվում հանդիպումներ են անցկացնում
Քաղաքականություն
20.05.2025 | 20:52
Ամերիկյան պաշտպանական հսկաների, ինչպիսիք են Lockheed Martin-ը և RTX-ը, բարձրաստիճան պաշտոնյաները հանդիպումներ են անցկացնում Բաքվում՝ համաձայնություններ ձեռք բերելու ակնկալիքով։ Այս մասին հայտնում է իսրայելական Globes-ը, որին վկայակոչում են ադրբեջանական լրատվամիջոցները։
Լրատվամիջոցը գրում է, որ սա ԱՄՆ նախագահ Դոնալդ Թրամփի հատուկ ներկայացուցիչ Սթիվ Ուիթկոֆի Բաքու այցի արդյունքն է՝ հիշեցնելով, որ Սպիտակ տան նախորդ վարչակազմի օրոք Կոնգրեսն ընդունել է «2023 թվականի Հայաստանի պաշտպանության մասին օրենք»-ը, որն արգելափակում է պետքարտուղարի կողմից Ադրբեջանին զենքի վաճառքը թույլատրելու ցանկացած հնարավորություն։
Հիշեցնենք, որ մարտի 14-ին Սթիվ Ուիթկոֆի օդանավը Մոսկվայից մեկնելուց հետո վայրէջք էր կատարել Բաքվում։
Ադրբեջանական լրատվամիջոցները, իսրայելական աղբյուրներին վկայակոչելով, հայտնում են նաև, որ Ադրբեջանի վրաց-սեֆարդյան հրեական համայնքի առաջնորդ, ռաբբի Զամիր Իսաևն այցով Միացյալ Նահանգներում է, որտեղ լոբբինգ է անում՝ Բաքվի նկատմամբ ամերիկյան քաղաքական շրջանակների վերաբերմունքը փոխելու համար։
Այցի շրջանակում նա հանդիպումներ է ունենում տեղի հրեական համայնքների և կազմակերպությունների ղեկավարների, ինչպես նաև Ներկայացուցիչների պալատի և Կոնգրեսի Սենատի մի շարք անդամների հետ։ Հանդիպումների ժամանակ Իսաևը նշել է, թե 2023 թվականի հոկտեմբերի 7-ին Իսրայելի վրա ՀԱՄԱՍ-ի հարձակումից հետո Ադրբեջանում Իսրայելի աջակցությունն աճել է մինչև «աննախադեպ մակարդակի»։
Թարգմանությունը՝ Էմմա Չոբանյանի
