08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
«ՀՀ-ն վաղ թե ուշ կհամաձայնվի». Ալիևը՝ խաղաղության պայմանագրի կնքման ադրբեջանական պայմանների մասին
Քաղաքականություն
20.05.2025 | 16:00
Հայաստանի հետ խաղաղության պայմանագրի ստորագրման համար կա երկու պայման, և Հայաստանը վաղ թե ուշ կհամաձայնվի այդ պայմաններին։ Այս մասին հայտարարել է Ադրբեջանի նախագահ Իլհամ Ալիևը Բուդապեշտում Հունգարիայի վարչապետ Վիկտոր Օրբանի հետ մամուլի համար արված հայտարարության մեջ։
«Հայաստանը պետք է փոփոխի իր Սահմանադրությունը, իսկ ԵԱՀԿ Մինսկի խումբը պետք է լուծարվի։ Մենք որևէ անսովոր պայման առաջ չենք քաշել»,- ասել է Ալիևը՝ նշելով, թե Հայաստանը դեռևս չի ցանկանում ընդունել այս պայմանները։
ՀՀ վարչապետ Նիկոլ Փաշինյանն ավելի վաղ Ադրբեջանին առաջարկել էր ԵԱՀԿ Մինսկի խմբի լուծարման մասին համատեղ դիմումն ու խաղաղության համաձայնագիրը ստորագրել միաժամանակ։ Օրերս էլ Ադրբեջանի ԱԳՆ-ն հայտարարություն էր տարածել՝ նշելով, թե, իբր, ՀՀ վարչապետը Սահմանադրության ու Մինսկի խմբի լուծարման հարցերով «փորձում է մոլորեցնել միջազգային հանրությանը»։
Թարգմանությունը՝ Էմմա Չոբանյանի
