ՌԴ-ում Amnesty International-ը «անցանկալի կազմակերպություն» է ճանաչվել

Լուրեր

19.11.2026 | 11:39
Գնում ենք հանրաքվեի, եթե Սահմանադրությունն անցնում է, հաջորդ ընտրություններում վարչապետի թեկնածու չեմ առաջադրվում. Փաշինյան
19.11.2026 | 11:39
Ուկրաինայի ԶՈՒ-ն անուղղակիորեն հայտնել է Ղրիմի կամրջի երկաթուղային հատվածի ավերվելու մասին
19.11.2026 | 11:30
Հայաստանը հրավիրվել է մասնակցելու ԱՄՆ-ում կայանալիք G20-ի գագաթնաժողովին
19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
Բոլորը

ՌԴ Գլխավոր դատախազությունը Amnesty International միջազգային ոչ կառավարական կազմակերպությունն «անցանկալի» է ճանաչել Ռուսաստանում, գրում է Meduza-ն։

Գերատեսչության հաղորդագրությունում նշվում է, թե, իբր, Amnesty International-ի լոնդոնյան գլխավոր գրասենյակը ծառայում է որպես «Կիևի ռեժիմի համախոհների կողմից ֆինանսավորվող գլոբալ ռուսատյաց նախագծերի նախապատրաստման կենտրոն»։ Գերատեսչության հայտարարության մեջ ասվում է, որ կազմակերպության ակտիվիստներն «անում են հնարավոր ամեն ինչ՝ տարածաշրջանում ռազմական բախումը սրելու համար, արդարացնում են ուկրաինացի նեոնացիստների հանցագործությունները, կոչ են անում ավելացնել նրանց ֆինանսավորումը և պնդում են ՌԴ-ի քաղաքական և տնտեսական մեկուսացման հարցում»։

Հայտարարության համաձայն՝ կազմակերպության անդամները «աջակցում են ծայրահեղական կազմակերպություններին» և «ֆինանսավորում են օտարերկրյա գործակալների գործունեությունը»։

Amnesty International-ը դեռևս չի ընդգրկվել ՌԴ Արդարադատության նախարարության կողմից «անցանկալի» կազմակերպությունների ցանկում (որպես կանոն՝ դա տեղի է ունենում Գլխավոր դատախազության մամուլի հաղորդագրությունից մեկ շաբաթ անց): Այդ ցուցակում ներկայում 223 կազմակերպություն կա։

Amnesty International-ը զբաղվում է մարդու իրավունքների խախտումների դիտարկմամբ  և արձանագրում դրանք ամբողջ աշխարհում։ Ի թիվս այլ բաների՝ կազմակերպությունը զեկույցներ է հրապարակում Ուկրաինայում պատերազմի ընթացքում տեղի ունեցած խախտումների մասին՝ մեղադրելով Ռուսաստանին մարդկության դեմ հանցագործությունների մեջ։ Իր հերթին, Ուկրաինան, ըստ Amnesty International-ի, ռազմական բազաներ է տեղադրել հիվանդանոցներում և դպրոցներում՝ խախտելով մարդասիրական իրավունքներն ու պատերազմի օրենքները։ Զեկույցը քննադատության էր արժանացել Կիևում, կազմակերպությունը հայտարարել էր, որ «զղջում է պատճառված ցանկացած ցավի համար», բայց «լիովին պաշտպանում է» իր եզրակացությունները։

Բացի այդ, կազմակերպությունը բազմիցս զեկույցներ է հրապարակել Գազայի հատվածում տիրող իրավիճակի վերաբերյալ, որոնք խիստ քննադատության են արժանացել Իսրայելի կողմից, որն Amnesty International-ին մեղադրել է կողմնակալ վերաբերմունքի համար։

Թարգմանությունը՝ Էմմա Չոբանյանի