16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ե՞րբ ՀՀ կժամանի Սերգեյ Լավրովը․ ԱԳՆ-ի պարզաբանումը
Քաղաքականություն
19.05.2025 | 14:04
Տարբեր լրատվամիջոցներում տեղեկություններ են շրջանառվում, որ Ռուսաստանի արտգործնախարար Սերգեյ Լավրովը մայիսի 21-ին պաշտոնական այցով կժամանի Հայաստան։ ՀՀ ԱԳՆ մամուլի խոսնակ Անի Բադալյանը Factor.am-ի հետ զրույցում ասաց, որ Լավրովի՝ Հայաստան այցի մասին արդեն տեղեկացրել են։
Բադալյանը չհայտնեց՝ արդյո՞ք Սերգեյ Լավրովը մայիսի 21-ին է Երևան գալու։ Արտգործնախարարության խոսնակը միայն ասաց՝ այցի մանրամասների մասին կտեղեկացնեն։
Անի Բադալյանն ավելի վաղ տեղեկացրել էր, որ Լավրովը մոտ ապագայում կայցելի Հայաստան՝ առանց ժամկետ նշելու։
ՌԴ պաշտոնական ներկայացուցիչ Մարիա Զախարովան իր հերթին ասել էր, որ Լավրովի այցը ՀՀ մշակման փուլում է և մանրամասներն ավելի ուշ կհանրայնացնեն։ Նա նաև չէր հստակեցրել՝ արդյո՞ք ՌԴ ԱԳ նախարարի՝ մայիսին սպասվող այցը կապված է Սյունիքում Ռուսաստանի հյուպատոսության բացման հետ։
Հիշեցնենք, որ Սերգեյ Լավրովը Հայաստան էր եկել չորս տարի առաջ՝ 2021 թվականի մայիսին։
Մանյա Պողոսյան
