20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Էստոնիան մեղադրում է Ռուսաստանին նավթատարի ձերբակալման համար․ DW
Քաղաքականություն
18.05.2025 | 20:42
Էստոնիայի Արտաքին գործերի նախարարությունը այսօր՝ մայիսի 18-ին, մեղադրել է Ռուսաստանին՝ Green Admire նավթատար նավը ձերբակալելու համար, փոխանցում է DW-ն։ Լիբերիայի դրոշի ներքո ընթացող այս նավը, որը պատկանում է հույն սեփականատիրոջ, դուրս էր եկել Էստոնիայի Սիլլամյաե նավահանգստից և շարժվում էր Ռուսաստանի տարածքային ջրերով՝ նախապես համաձայնեցված երթուղով, ինչպես հաղորդել են Տալլինից։ Էստոնական ERR լրատվական ընկերության տվյալներով՝ նավը տեղափոխում էր թերթաքարային նավթ և նավահանգստից դուրս էր եկել նախօրեին՝ մոտավորապես ժամը 18:30-ին։
Կեսգիշերն անց ռուսական իշխանությունները կանգնեցրել են նավը և այն ուղարկել Ռուսաստանին պատկանող Գոգլանդ կղզի, ուր այն հասել է մոտավորապես առավոտյան ժամը 4-ին։ Ըստ լրագրողների՝ նավն այժմ խարիսխ է գցել այդ կղզու մոտ։
ERR-ի փոխանցմամբ՝ «Սիլլամյաե նավահանգստից դուրս գալիս, նավերը անցնում են Ռուսաստանի տարածքային ջրերով, քանի որ այս երթուղին ավելի անվտանգ է խոշոր նավերի համար, քան Էստոնիայի ջրերում գտնվող ծանծաղուտների միջով անցնելը։ Այդ անվտանգ երթուղին համաձայնեցված է եղել Ռուսաստանի, Էստոնիայի և Ֆինլանդիայի միջև»։
Էստոնիայի ԱԳՆ-ի տարածած հաղորդագրությունում ասվում է․ «Նման միջադեպերը կանխելու նպատակով Էստոնիան վերաուղղորդելու է Սիլլամյաե նավահանգստի մուտքն ու ելքը միայն իր տարածքային ջրերով»։ Նախարար Մարգուս Ցախկնան հայտարարել է, որ Ռուսաստանը «անհասկանալի ու անկանխատեսելի վարքագիծ» է ցուցաբերում։
«Ես մեր դաշնակիցներին արդեն տեղեկացրել եմ կատարվածի մասին»,-հավելել է նախարարը։
