16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Զելենսկին պատմել է ԱՄՆ փոխնախագահի և պետքարտուղարի հետ ունեցած հանդիպման մասին
Քաղաքականություն
18.05.2025 | 19:04
Հիանալի հանդիպում ունեցա Ամերիկայի Միացյալ Նահանգների փոխնախագահ Ջեյ Դի Վենսի և պետքարտուղար Մարկո Ռուբիոյի հետ Հռոմում։ Այս մասին տելեգրամյան իր ալիքում հայտնել է Ուկրաինայի նախագահ Վլադիմիր Զելենսկին։
«Քննարկեցինք Ստամբուլում կայացած բանակցությունները, որտեղ ռուսներն ուղարկել էին ցածր մակարդակի պատվիրակություն, որը լիազորություն չուներ որոշումներ ընդունելու։ Ես հաստատեցի Ուկրաինայի պատրաստակամությունը իրական դիվանագիտության համար և նշեցի ամբողջական ու անվերապահ հրադադարի կարևորությունը։
Ներկայացվեցին նաև Ռուսաստանի դեմ պատժամիջոցների անհրաժեշտության, երկկողմ առևտրի, պաշտպանության ոլորտում համագործակցության, ճակատում տիրող իրավիճակի և գերիների փոխանակման ապագա փուլերի հարցերը։ Ռուսաստանի նկատմամբ ճնշումը պետք է շարունակվի, մինչև այն պատրաստ չլինի դադարեցնելու պատերազմը։ Եվ իհարկե, մենք քննարկեցինք մեր համատեղ քայլերը՝ արդար և կայուն խաղաղություն հաստատելու ուղղությամբ։
Շնորհակալություն եմ հայտնում ամբողջ ամերիկյան ժողովրդին՝ իրենց աջակցության և կյանքեր փրկելու հարցում առաջնորդության համար»,-նշել է Զելենսկին։
Հիշեցնենք՝ Հիշեցնենք, որ մայիսի 16-ին Ստամբուլում կայացել էին ռուս-ուկրաինական բանակցությունները։ Կիևն ու Մոսկվան համաձայնության են եկել կողմերից յուրաքանչյուրին հանձնել 1000 ռազմագերի, ինչը կդառնա պատերազմի սկզբից ի վեր ամենամեծ փոխանակումը։
Միևնույն ժամանակ, ԱՄՆ նախագահ Դոնալդ Թրամփը հայտարարել է, որ երկուշաբթի օրը նախատեսում է հեռախոսազրույց ունենալ Պուտինի, ապա՝ Զելենսկու և ՆԱՏՕ-ի մի քանի երկրների ղեկավարների հետ՝ Ուկրաինայում պատերազմի դադարեցման հարցով։
