24.06.2026 | 19:34
Որքա՞ն արժե ծիրանը․ գյուղացիները բերքի իրացման այլընտրանքներ են փնտրում. ՏԵՍԱՆՅՈՒԹ
ՔՊ-ից հեռացված Հովիկ Աղազարյանն ու Հակոբ Ասլանյանը վարչապետի թեկնածու են առաջադրել Էդմոն Մարուքյանին
Քաղաքականություն
16.05.2025 | 14:36
«Քաղաքացիական պայմանագիր» խմբակցությունից հեռացված Հովիկ Աղազարյանն ու Հակոբ Ասլանյանը վարչապետի թեկնածու են առաջադրել Էդմոն Մարուքյանին։ Այս մասին Ֆեյսբուքի իր էջում տեղեկացրել է Հովիկ Աղազարյանը։
«Որպես ՄԱՍԿ վարչության անդամ լիազորված եմ հայտարարել, որ վարչության որոշմամբ հանձնարարվեց Աժգային Ժողովի պատգամավորներ Հակոբ Ասլանյանին և Հովիկ Աղազարյանին ՀՀ Վարչապետին անվստահություն հայտնելու ԱԺ որոշման նախագծով որպես վարչապետի թեկնածու առաջադրել ԱԺ 5-րդ, 6-րդ, 7-րդ գումարումների պատգամավոր, ՀՀ հատուկ հանձնարարություններով նախկին դեսպան, «Լուսավոր Հայաստան» կուսակցության նախագահ Էդմոն Մարուքյանին»,- գրել է Հովիկ Աղազարյանը։
Հարցի շուրջ Factor.am-ը փորձեց մեկնաբանություն ստանալ Էդմոն Մարուքյանից։ Նա, սակայն, մեր զանգերին չպատասխանեց։ Ավելի ուշ Մարուքյանը ֆեյսբուքի էջում հայտնել է, որ ուղիղ եթերում կխոսի խորհրդարանում նախաձեռնված իմփիչմենթի գործընթացի մասին։
Մանյա Պողոսյան
