29.04.2026 | 17:33
Ազատ ոճի ըմբշամարտի Հայաստանի հավաքականն ամփոփել է Եվրոպայի առաջնությունը․ ՏԵՍԱՆՅՈՒԹ
Մենք պետք է իմանանք, թե հարկատուներիս հաշվին ո՞ւմ են զինում ընդհանրապես․ Արթուր Սաքունց․ ՏԵՍԱՆՅՈՒԹ
Քաղաքականություն
09.10.2018 | 12:50
Իրավապաշտպան Արթուր Սաքունցն այն համոզմանն է, որ օրենքները խոստացնելով ամբողջությամբ հնարավոր չի լինելու պայքարել զենք կրելու դեմ, այս հարցում կարիք կա բարձրացնել հասարակության իրավագիտակցությունը և արմատավորել այն գաղափարը, որ միմյանց վրա կրակելով հարցերը չեն լուծվում։ Այս մասին այսօր «Անվանական զենքերը նաև կրակում են․ ինչպե՞ս խստացնել ոլորտի վերահսկողությունը» թեմայով քննարկման ժամանակ ասաց իրավապաշտպանը։
Վերջինս նշեց, որ իրենք փորձել են հասկանալ՝ առհասարակ, ո՞րն է այն ողջամիտ բացատրությունը կամ իրավական հիմնավորումը, որը պետք է լինի զենք նվիրելու հիմքում, սակայն այդպես էլ նման հիմնավորում չեն գտել։
«Ստացվում է, որ այդ քայլի հիմքում դրվել է ընդամենը որոշակի մարդկանց արտոնյալ դարձնելու մոտեցումը»,- ասաց նա։
Արթուր Սաքունցը նաև նշեց, որ որպես շարքային քաղաքացի կցանկանար իմանալ՝ ո՞ւմ մոտ կարող է զենք լինել և պետական բյուջեից այն ձեռք բերելու համար որքան գումար է հատկացվել։
«Ի վերջո, մենք որպես հարկատու տեղյակ չենք, թե ու՞մ են զինում մեր հաշվին»,- ասաց Սաքունցը։
Մանրամասները՝ տեսանյութում։
