07.10.2026 | 23:48
Արթուր Դանիելյանը կալանավորվեց
Մեդինսկին հայտարարել է, որ ՌԴ-ն պատրաստ է Ստամբուլում բանակցությունների և «փոխզիջումների»
Քաղաքականություն
15.05.2025 | 19:38
Ռուսաստանը պատրաստ է վերսկսել Ուկրաինայի հետ բանակցային գործընթացը Ստամբուլում՝ հնարավոր «փոխզիջումների» և դրանց քննարկման համար։ Այս մասին հայտարարել է ռուսական պատվիրակության ղեկավար, ՌԴ նախագահի օգնական Վլադիմիր Մեդինսկին, հաղորդում է Meduza-ն։
Նրա խոսքով՝ ռուսական պատվիրակությունը բանակցություններից առաջ պահպանում է «աշխատանքային ոգի»։ Մեդինսկին հավելել է, որ Մոսկվայից ժամանած պատվիրակության կազմում են բոլոր շահագրգիռ գերատեսչությունների ներկայացուցիչներ և ղեկավար անձնակազմ։
Մեդինսկին ձեռնպահ է մնացել պատասխանել հարցին, թե երբ կսկսվեն բանակցությունները։
Ռուսական պատվիրակությունը Ստամբուլ է ժամանել մայիսի 15-ի առավոտյան։ Ուկրաինայի ներկայացուցիչները՝ նախագահ Վլադիմիր Զելենսկիի գլխավորությամբ, այժմ Անկարայում են։
Ավելի վաղ այստեղ տեղի է ունեցել Ուկրաինայի և Թուրքիայի նախագահների հանդիպումը, որը տևել է շուրջ երեք ժամ։
Թարգմանությունը՝ Էմմա Չոբանյանի
