12.03.2026 | 16:19
Հայտարարում եք՝ կարմիր գծերից հավաքված գումարներով բարձրացնում ենք աշխատավարձերը․ սո՛ւտ է․ Իսկանդարյան․ ՏԵՍԱՆՅՈՒԹ
Գերմանիայում Ուկրաինայի 3 քաղաքացի է ձերբակալվել՝ ՌԴ-ի հրահանգով դիվերսիաներ ծրագրելու կասկածանքով
Քաղաքականություն
14.05.2025 | 22:57
Գերմանիայի դաշնային դատախազությունը ձերբակալել է Ուկրաինայի երեք քաղաքացու, որոնք, ենթադրաբար, Ռուսաստանից ստացված հրահանգով պետք է հարձակումներ իրականացնեին Գերմանիայում բեռնատար տրանսպորտային միջոցների վրա։ Ձերբակալությունները տեղի են ունեցել մայիսի 9-ից 13-ը Գերմանիայում և Շվեյցարիայում, գրում է DW-ի ռուսական ծառայությունը։
Դատախազության տվյալներով՝ տղամարդիկ ծրագրել էին Գերմանիայից Ուկրաինայում գտնվողներին ուղարկել ծանրոցներ, որոնք պարունակում էին պայթուցիկ սարքեր, դրանք կարող էին բռնկվել տեղափոխման ընթացքում։ Տրանսպորտային երթուղիները հետախուզելու համար նրանցից մեկը, ենթադրաբար, Քյոլն է ուղարկել երկու փորձնական ծանրոց, որոնք, ի թիվս այլ իրերի, պարունակել են GPS հետևորդներ։
Գերատեսչությունը նաև հրապարակել է կասկածյալների անունները՝ Եվգենի Բ., Դանիիլ Բ. և Վլադիսլավ Տ.:
Քյոլնում և Կոնստանսում ձերբակալված երկու տղամարդիկ ներկայում կալանքի տակ են, մեկ այլ կասկածյալ, որը ձերբակալվել է շվեյցարական Թուրգաու կանտոնում, կտեղափոխվի Գերմանիա:
Թարգմանությունը՝ Էմմա Չոբանյանի
