15.12.2025 | 12:16
ՀՀ-ն ԵՄ-ից օգնություն է խնդրել // Ավտոբուսներում հսկիչներ կավելանան․ ԼՈՒՐԵՐ
«ՀՀ-ն ձեր համար դմակ է եղել, դուք էլ՝ դանակ, ինչքան կարողացել եք՝ կտրել եք»․ Կոնջորյանը՝ Մինասյանին
Քաղաքականություն
12.05.2025 | 11:55
«Մանտրայի պես, որ ամեն անգամ կրկնում եք՝ սպանե՛ց մեր իղձերը, հանձնե՛ց, ուրացա՛վ, ձեզ պետք է մանտրա-քարտեր տպենք և բաժանենք բոլորիդ, որ հանկարծ չմոռանաք: Կարո՞ղ է սպանել ենք ծայրագավառապետ լինելու Ձեր իղձերը»,- այս մասին ԱԺ-ում Գլխավոր դատախազության տարեկան հաշվետվության զեկույցի ժամանակ ընդդիմադիրների ելույթներին արձագանքելով՝ հայտարարարեց ՔՊ խմբակցության ղեկավար Հայկ Կոնջորյանը:
«Խորհրդարանական ընդդիմությունը և ձեր շրջապատող հանրույթն ատելության մարտագլխիկներ են, որոնք ամենօրյա ռեժիմով հարձակվում են ՀՀ-ի դեմ: Դուք ցանկացած դրական օրակարգի դեմ կռիվ եք տալիս: Ձեզանից որևէ մեկը դատապարտե՞լ է Վահագն Ալեքսանյանի մայրիկի վրա քստմնելի հարձակումը, ձեր տերտերը տեսել եք՝ ինչ ցինիկ պահվածք է ցուցաբերել Ալեքսանյանի մայրիկի նկատմամբ տեղի ունեցած այդ վարքագծի նկատմամբ, դատապարտե՞լ եք դա: Մեր ընդդիմությունն ագրեսիվ պայքար է մղում նաև նոր, հաջողված ռեֆորմների նկատմամբ, հատկապես ագրեսիվ են պարեկների նկատմամբ: Ամենամեծ խավարամտության արշավանքն Ակադեմիական քաղաքի դեմ է, հասկանում են, որ դրա վերջնանպատակը խավարամտությունը ջնջելն է լինելու, դրա համար են պայքարում: Դուք այսահարվում եք ցանկացած դրական օրակարգից: Մի ասացվածք կա, ասում է՝ աշխարհը դմակ, մարդը՝ դանակ։ Ձեզ համար ՀՀ-ն մեծ դմակ է եղել, դուք էլ դանակ եք եղել, այդ դմակն ինչքան կարացել՝ կտրել եք»,- ասաց նա։
Մանրամասները՝ տեսանյութում։
