16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Պետքարտուղար Ռուբիոն ԱՄՆ օգնությունն է առաջարկել Հնդկաստան-Պակիստան լարվածության նվազեցման հարցում
Քաղաքականություն
10.05.2025 | 10:59
ԱՄՆ պետքարտուղար Մարկո Ռուբիոն այսօր՝ մայիսի 10-ին, զրուցել է Հնդկաստանի արտաքին գործերի նախարար Սուբրամանյամ Ջայշանկարի հետ և ընդգծել Հնդկաստանի և Պակիստանի կողմից լարվածության թուլացման և «սխալ հաշվարկներից» խուսափելու անհրաժեշտության մասին․ գրում է The Times of India-ն՝ հղում անելով ԱՄՆ պետքարտուղարությանը։
«Պետքարտուղար Մարկո Ռուբիոն զրուցել է Հնդկաստանի արտաքին գործերի նախարար Սուբրամանյամ Ջայշանկարի հետ։ Պետքարտուղար Ռուբիոն ընդգծել է, որ երկու կողմերն էլ պետք է գտնեն լարվածության թուլացման և ուղիղ հաղորդակցությունը վերականգնելու մեթոդներ՝ սխալ հաշվարկներից խուսափելու համար», – ասել է Պետդեպարտամենտի մամուլի խոսնակ Թեմի Բրյուսը։
«Նա նաև առաջարկել է ԱՄՆ աջակցությունը ապագա վեճերը կանխելու համար արդյունավետ քննարկումների կազմակերպման գործում», – ասված է հաղորդագրության մեջ։
Factor.am-ը ավելի վաղ տեղեկացրել էր, որ այսօր՝ մայիսի 10-ի առավոտյան, Պակիստանի կառավարությունը հայտարարել է Հնդկաստանի դեմ խոշոր ռազմական գործողության մեկնարկի մասին։
Թարգմանությունը՝ Անահիտ Խաչատրյանի
