16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Մոսկվայում մայիսի 9-ի զորահանդեսի տրիբունաներում ռազմական հանցագործությունների մեջ կասկածվողներ են եղել
Քաղաքականություն
12.05.2025 | 11:45
Մայիսի 9-ին Մոսկվայում Հաղթանակի 80 ամյակին նվիրված զորահանդես տրիբունաներում ռազմական հանցագործությունների մեջ կասկածվողներ են եղել։ Այս մասին գրում է DW-ի ռուսական ծառայությունը։
«Կարմիր հրապարակով անցել է «հատուկ ռազմական գործողության» մասնակիցների զինվորական անձնակազմի հաշվարկը»,- այս մասին հայտնել է ռուսական ՏԱՍՍ պետական գործակալությունը։ Նրանց շարքում է եղել Անդրեյ Գրիգորևը, որը հայտնի է «Տուտա» մականունով։
2025 թվականի հունվարին սոցիալական ցանցերում տարածվել էր տեսանյութ, որտեղ նա ձեռնամարտի ժամանակ դանակահարում է Ուկրաինայի զինված ուժերի զինվորին։
«Դոժդ» հեռուստաալիքը պարզել է, որ տրիբունաներում է եղել նաև ծովային հետևակային Վլադիսլավ Գոլովինը։ Նրա բրիգադը բազմիցս հիշատակվել է Ուկրաինայում ռազմական հանցագործությունների հետաքննություններում։ Մասնավորապես, Մարիուպոլում գերիների մահապատժի և խաղաղ բնակիչների սպանությունների դրվագներում։ Ներկա է եղել նաև միջազգային «Պյատնաշկա» բրիգադի հրամանատար Ախրա Ավիձբան, որը մեղադրվում է մի շարք լուրջ հանցագործությունների մեջ՝ թալան, առևանգում և ուկրաինացի ռազմագերիների խոշտանգումներ։
ՌԴ նախագահ Վլադիմիր Պուտինն էլ իր ելույթում ինչպես և կանխատեսելի էր, Ուկրաինայի դեմ իր վարած ագրեսիվ պատերազմը համեմատել է նացիստական Գերմանիայի դեմ պատերազմի հետ։
«Ռուսաստանը մնում է անհաղթահարելի խոչընդոտ նացիզմի, ռուսաֆոբիայի և հակասեմիտիզմի համար և կպայքարի այդ ագրեսիվ, կործանարար գաղափարների կամակատարների կողմից թույլ տրված չափազանցությունների դեմ», – ասել էր Ռուսաստանի նախագահը.
«Ամբողջ երկիրը, հասարակությունը և ժողովուրդն աջակցում են հատուկ ռազմական գործողության մասնակիցներին։ Մենք հպարտանում ենք նրանց քաջությամբ և վճռականությամբ, ոգու այն ուժով, որը միշտ մեզ միայն հաղթանակ է բերել»:
Նշենք, որ ՌԴ-ն Ուկրաինայում իր իսկ սանձազերծած պատերազմն անվանում է «հատուկ ռազմական գործողություն»։
Թարգմանությունը Էմմա Չոբանյանի
