13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Բաքուն կրակոցների վերաբերյալ տեղեկատվություն է փոխանցել, հետաքննել ենք և պարզել` խախտում չկա․ Արմեն Գրիգորյան․ ՏԵՍԱՆՅՈՒԹ
Քաղաքականություն
09.05.2025 | 10:00
Հայաստանը խնդրել է դիվանագիտական ճանապարհով տվյալներ տրամադրել հրադադարի խախտումների վերաբերյալ, որոնց մասին հայտարարում է Ադրբեջանը»,- այս մասին լրագրողների հետ ճեպազրույցում տեղեկացրեց Անվտանգության խորհրդի քարտուղար Արմեն Գրիգորյանը։
«Հայաստանը տվյալներ է փոխանցել Ադրբեջանին և ակնկալում է մանրամասն տվյալներ դրանց վերաբերյալ։ Ադրբեջանը փոխանցել է տեղեկություններ, ըստ իրենց, կատարված խախտումների վերաբերյալ։ Մենք հետաքննություն ենք կատարել, պարզվել է, ընդհանուր առմամբ, խախտումներ չեն եղել»,- մանրամասնեց պաշտոնյան։
ԱԽ քարտուղարից լրագրողները հարցրեցին՝ ՀՀ վարչապետ Նիկոլ Փաշինյանի և ՌԴ նախագահ Վլադիմիր Պուտինի երկկողմ հանդիպում ակնկալվում է, թե՝ ոչ, հարց եղավ նաև վերջին շրջանում ՌԴ-ի կողմից հիբրիդային պատերազմ վարելու մասին”
«Հիբրիդային պատերազմի մասին, չեմ կարծում, որ խոսվում է միայն վերջին շրջանում։ Դրա մասին խոսվում է 2018 թվականից»,- ասաց Գրիգորյանը։
Ինչ վերաբերում է Պուտին-Փաշինյան հնարավոր հանդիպմանը, ԱԽ քարտուղարը չցանկացավ այդ մասին խոսել՝ նշելով, որ համապատասխան մամուլի ծառայություններն այդ մասին կտեղեկացնեն։
Ի դեպ, լրագրողները Արմեն Գրիգորյանին նաև հարցրին՝ այսօր իր համար Եռատո՞ն է, նա պատասխանեց, որ այսօր իր համար Եռատոն չէ։
Մանրամասները՝ տեսանյութում։
