Թրամփը հայտարարել է Մեծ Բրիտանիայի հետ առևտրային գործարքի համաձայնեցման մասին

ԱՄՆ նախագահ Դոնալդ Թրամփը հայտարարել է Մեծ Բրիտանիայի հետ նոր առևտրային պայմանագրի համաձայնեցման մասին։ «Մեծ Բրիտանիայի հետ համաձայնագիրը լիարժեք և համապարփակ է ու կամրապնդի Միացյալ Նահանգների և Միացյալ Թագավորության միջև հարաբերությունները առաջիկա տարիների ընթացքում։ Հաշվի առնելով մեր երկար պատմությունը և միմյանց նկատմամբ հավատարմությունը, մեզ համար պատիվ է, որ Միացյալ Թագավորությունն է մեր ԱՌԱՋԻՆ հայտարարությունը։ Կլինեն շատ այլ գործարքներ, որոնք գտնվում են բանակցությունների լուրջ փուլում»,-գրել է Թրամփը իր Truth Social-ում։

Ավելի վաղ նա գրել էր, որ մայիսի 8-ին կհայտարարի «մեծ և հարգված երկրի» հետ առևտրային համաձայնագրի մասին: Այս համաձայնագիրը կլինի «շատերից առաջինը»։

Սա առաջին գործարքն է այն բանից հետո, երբ ԱՄՆ նախագահը մաքսատուրքեր սահմանեց տասնյակ ամերիկյան առևտրային գործընկերների նկատմամբ։

Հիշեցնենք, որ ապրիլի 2-ին Դոնալդ Թրամփը հայտարարել էր  185 երկրների նկատմամբ մաքսատուրքերի սահմանման մասին։ Բազային դրույքաչափը 10% էր բոլոր ներմուծվող ապրանքների համար, այդ թվում՝ Մեծ Բրիտանիայից։ Եվրամիության համար մաքսատուրքերը պետք է սահմանվեին 20%, իսկ Չինաստանի համար՝ 34%։ Ապրիլի 9-ին ԱՄՆ նախագահը 90 օրով հետաձգել էր ավելի քան 75 երկրների համար մաքսատուրքերը, միաժամանակ Չինաստանի համար մաքսատուրքերը բարձրացնելով մինչև 125% (հետագայում դրանք ավելի շատ բարձրացան): ԵՄ-ն էլ իր հերթին  նույն ժամանակահատվածով հետաձգել է ամերիկյան ապրանքների վրա 25 տոկոս պատասխան մաքսատուրքերի սահմանումը։

Թարգմանությունը՝ Էմմա Չոբանյանի