05.11.2024 | 17:48
Ըստ Լավրովի՝ Կովկասում հապճեպ խաղաղությունը ոչ մի լավ բանի չի հանգեցնի
Ազգային ժողովի 4 միլիոնանոց ֆուրշետը. որքա՞ն գումար է ծախսվել 100-ամյակի միջոցառմանը
Տնտեսություն
08.10.2018 | 13:27
Հայաստանի խորհրդարանի հիմնադրման 100 ամյակի միջոցառման ժամանակ Ազգային ժողովի աշխատակազմը ծախսել է 16 մլն 300 հազար դրամ: Այս մասին փոխանցում են Ազգային ժողովից՝ մեր գրավոր հարցումին ի պատասխան:
Մոտ 10 մլն դրամ վճարվել է «Ակտի գրուպ» ՍՊԸ-ին՝ միջոցառումը կազմակերպելու համար: Այս գումարի շրջանակներում վարձակալվել են աթոռներ, էկրաններ, երաժշտության ապահովում և այլ աշխատանքներ: Օրվա առիթով 4 միլիոն դրամի ֆուրշետ է կազմակերպվել, որն ապահովել է «Սել» ՍՊԸ-ն:
Հրավիրատոմսերի համար վճարվել է 600 հազար դրամ, ֆոտոլուսանկարների ցուցահանդեսի համար՝ 1 մլն դրամ: ԱԺ-ի լոգոյով գնվել է 1000 հատ կրծքանշան՝ 360 հազար դրամով: ԱԺ-ն ձեռք է բերել մեկ ծաղկային կոմպոզիցիա և ծաղկե զամբյուղ, որն արժեցել է 300 հազար դրամ:
Ի դեպ, ԱԺ-ի միջոցառումը նախատեսված է եղել 730 հոգու համար:
Նշենք, որ խորհրդարանի հիմնադրման 100-ամյակին նվիրված հոբելյանական միջոցառմանը ներկա են եղել Հայաստանի Հանրապետության նախագահ Արմեն Սարգսյանը, Հայաստանի Հանրապետության վարչապետ Նիկոլ Փաշինյանը, Ամենայն Հայոց Կաթողիկոսը, Արցախի Հանրապետության նախագահը և Ազգային ժողովի նախագահը, ՀՀ Գերագույն խորհրդի և Ազգային ժողովի առաջինից վեցերորդ գումարումների պատգամավորներ, ՀՀ գործադիր և դատական իշխանությունների ներկայացուցիչներ, Հայաստանի Հանրապետությունում հավատարմագրված դիվանագետներ, բարձրաստիճան հոգևորականներ, պաշտոնատար անձինք:
Անի Սահակյան
