17.03.2026 | 15:09
Սթափության զննություն չանցնելու համար փորձել էր կաշառել պարեկներին. վարորդը ձերբակալվել է
Նիկոլ Փաշինյանը կհանդիպի Գագիկ Ծառուկյանի հետ
Քաղաքականություն
08.10.2018 | 11:58
Վարչապետ Նիկոլ Փաշինյանը կհանդիպի «Բարգավաճ Հայաստան» կուսակցության նախագահ Գագիկ Ծառուկյանի հետ: Այս մասին այսօր՝ հոկտեմբերի 8-ին, վարչապետ Փաշինյանն ասել է լրագրողների հետ զրույցում:
Նա տեղեկացրել է, որ Գագիկ Ծառուկյանի հետ հանդիպումը, ամենայն հավանականությամբ, տեղի կունենա այսօր: Վարչապետը պատրաստվում է նաև հանդիպել ՀՅԴ ներկայացուցիչների հետ:
Քաղաքական այս ուժերի հետ Նիկոլ Փաշինյանը պատրաստվում է քննարկել արտահերթ խորհրդարանական ընտրությունների հարցը:
Նշենք, որ ազգային համաձայնության կառավարությունը, որին մաս էին կազմում նաև ՀՅԴ-ն ու ԲՀԿ-ն, հոկտեմբերի 2-ին փլուզվեց: Խորհրդարանում հրավիրված արտահերթ նիստում ԱԺ Կանոնակարգ-օրենքում փոփոխությունների մասին օրինագծի քվեարկությունից հետո նախ ՀՅԴ-ն հայտարարեց, որ լքում է կոալիցիան, իսկ քիչ անց Բաղրամյան պողոտայում հրավիրած հավաքի ժամանակ վարչապետ Փաշինյանը հայտարարեց ՀՅԴ-ական և ԲՀԿ-ական նախարարներին աշխատանքից ազատելու մասին:
