20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
ՀՀԿ-ից հստակ հավաստիացում ենք սպասում, որ վարչապետ չեն առաջադրի․ գնդակն իրենց դաշտում է․ Լենա Նազարյան. ՏԵՍԱՆՅՈՒԹ
Քաղաքականություն
08.10.2018 | 11:39
Ազգային ժողովի «Ելք» խմբակցության ղեկավար Լենա Նազարյանը կարծում է, որ քաղաքականության մեջ երկխոսությունը չպետք է դադարի և իրենք մշտապես պատրաստ են երկխոսության։
Այս մասին այսօր Ազգային ժողովում լրագրողների հետ զրույցում ասաց պատգամավորը՝ նշելով, որ իրենց համար կարևոր է, որ քաղաքական ուժերը պարզ խոսեն և ասեն՝ արդյոք պատրաստվո՞ւմ են վարչապետի թեկնածու առաջարդել, եթե Նիկոլ Փաշինյանը հրաժարական տա։
Պատրագավորը նշեց, որ դեռ հստակ հավաստիացումներ չեն ստացել, ուստի դա շատ ուղիղ տեքստով պետք է ասել, ոչ թե տարբեր կերպ աջակցություն հայտնել։
«Պարոն Շարմազանովն ասել է, որ գնդակը մեր դաշտում է, ես ասում եմ ոչ՝ գնդակն իրենց դաշտում է, իրենցից ենք սպասում հավաստիացումների՝ հնարավորինս հստակ»,- ասաց Նազարյանը։
Դիտարկմանը՝ եթե, այնուամենայնիվ, ՀՀԿ-ն առաջադրի վարչապետի թեկնածու, ո՞րն է լինելու «Ելք» խմբակցության անելիքը, Լենա Նազարյանը նշեց, որ ընդամենը կոչ կանի, որ հասկանան, որ թեկնածու առաջադրելու դեպքում իրենք ճոճում են այն նավակը, որում նստած են։
Մանրամասները՝ տեսանյութում
