27.06.2026 | 14:14
Կարելի է քայլուղի բացել. Փաշինյանը ծանոթացել է Կիևյան կամրջի շինաշխատանքներին․ ՏԵՍԱՆՅՈՒԹ
Տեսչական մարմինը պետք է ցանկացած ժամանակ ստուգում անի շինհրապարակում․ արհմիությունների կոնֆեդերացիայի նախագահ․ ՏԵՍԱՆՅՈՒԹ
Հասարակություն
02.05.2025 | 14:41
Ապրիլի 28-ին Երևանում կառուցվող շենքերից մեկից շինարար է վայր ընկել 6-րդ հարկից և մահացել։ Այսօր «Մեդիա կետրոնում» մամուլի ասուլիս էր հրավիրված, որտեղ Հայաստանի արհմիությունների կոնֆեդերացիայի նախագահ Էլեն Մանասարյանն ու Առողջապահական և աշխատանքի տեսչական մարմնի ղեկավարի տեղակալ Վահագն Գրիգորյանն անդրադարձան այս դեպքին և ներկայացրին անվտանգ աշխատանքային միջավայրի ապահովման հետ կապված խնդիրները։
Հայաստանի արհմիությունների կոնֆեդերացիայի նախագահ Էլեն Մանասարյանի կարծիքով՝ տեսչական մարմինը պետք է շինհրապարակում ցանկացած պահի ստուգում իրականացնելու հնարավորություն ունենա։ Նա մի շարք խնդիրներ առանձնացրեց, որոնց այսօր ուշադրություն չեն դարձնում շինհրապարակներում աշխատանք իրականացնելիս։
«Պետք է ուշադրություն դարձնել՝ արդյո՞ք շինթույլտվություն տալուց հետո այստեղ օգտագործվող գործիքները փորձարկման են ենթարկվում, թե՝ ոչ։ Մեզ մոտ նման բան չկա։ Ամբողջ աշխարհում ընդունված է, որ, օրինակ, պարանը, աստիճանը, սաղավարտը և մյուս պարագաները պետք է փորձաքննության ենթարկվեն։ Պետք է հասկանալ՝ արդյոք այդ նյութից պատրաստված պարանն ապահո՞վ է, թե՞ ոչ։ Լինում են դեպքեր, երբ դրանք ապահով չեն լինում, և տուժում է աշխատողը։ Շատ կարևոր է ուշադրություն դաձնել, թե հաստոցի հետ աշխատող մարդն ինչ արտահագուստ պետք է կրի, արտահագուստի մանրաթելերն այնպիսին պետք է լինի, որ հաստոցին կպչելու դեպքում ձեռքը չվնասվի»,- մատնանշեց արհմիությունների կոնֆեդերացիայի նախագահը։
Նա նաև նշեց՝ թեև օրենսդրությամբ նախատեսված է, որ աշխատողը պետք է ունենա առողջ և անվտանգ աշխատանքային պայմաններ, բայց դա միշտ չէ, որ պահպանվում է։
Էլեն Մանասարյանի խոսքով՝ տեսչական մարմինների մանրադիտակի տակ պետք է լինեն հանքարդյունաբերության, գյուղատնտեսության և շինարարության ոլորտները, քանի որ հենց այդ ոլորտներում են աշխատանքի ռիսկերը բարձր։
Մանրամասները՝ տեսանյութում։
