12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
ՄԱԿ-ի զարգացման ծրագիրը դադարեցնում է Ադրբեջանում գործունեությունը
Քաղաքականություն
02.05.2025 | 13:34
ՄԱԿ-ի զարգացման ծրագիրը (ՄԱԶԾ) դադարեցնում է գործունեությունն Ադրբեջանում, հայտնել են Ադրբեջանում ՄԱԿ-ի զարգացման ծրագրի ներկայացուցչությունից։
«Այսօր Ադրբեջանում ՄԱԿ-ի զարգացման ծրագրի ներկայացուցչությունում վերջին աշխատանքային օրն է։ Վաղվանից մենք այլևս չենք գործելու»,- ասվում է հաղորդագրությունում։
Հիշեցնենք, որ մարտին ադրբեջանական իշխանամերձ լրատվամիջոցները տեղեկություններ էին տարածել, որ Ադրբեջանի իշխանությունները ցանկանում են երկրում դադարեցնել ՄԱԿ-ի զարգացման ծրագրի (ՄԱԶԾ), ՄԱԿ-ի Փախստականների հարցերով գործակալության (ՄԱԿՓՀԳ) և Կարմիր Խաչի միջազգային կոմիտեի (ԿԽՄԿ) գործունեությունը։
Ավելի ուշ ՄԱԿ-ի կառույցների հետ աշխատանքի վերանայման մասին Ադրբեջանի ԱԳ նախարար Ջեյհուն Բայրամովը հայտնել էր ՄԱԿ-ի Զարգացման համակարգման գրասենյակի Եվրոպայի և Կենտրոնական Ասիայի տարածաշրջանային տնօրեն Կվի-Յոպ Սոնի հետ Բաքվում հանդիպման ժամանակ։
Թարգմանությունը՝ Էմմա Չոբանյանի
