Բաքվում շինծու գործերով նիստում «տուժողներից» մեկը հայտարարել է, թե ճանաչում է Դավիթ Իշխանյանին

Բաքվում այսօր տեղի է ունեցել Արցախի ղեկավարների և այլ պաշտոնյաների նկատմամբ հարուցված շինծու քրեալան գործերով հերթական դատական  նիստը։

Ադրբեջանական լրատվամիջոցների հաղորդմամբ՝ նիստի ընթացքում ցուցադրվել է տեսագրություն, որը վկայում է Արցախի նախկին նախագահ Արկադի Ղուկասյանի՝ Շուշիում ազատագրումից անմիջապես հետո այնտեղ գտնվելու մասին։ Հետո ցուցադրվել է տեսանյութ, որտեղ երևում է, թե ինչպես է Արցախի ԱԺ նախագահ Դավիթ Իշխանյանը փակում Շուշիի ազատագրումը կանխել ցանկացող ադրբեջանցի զինվորների ճանապարհը։

Դատարանում ցուցադրվել և հետազոտվել է նաև Արցախի նախկին նախագահ Արայիկ Հարությունյանի հարցազրույցը պարունակող տեսանյութ։ Ֆիլմում Հարությունյանը խոսում է Քյարքիջահանի, Մալիբեյլիի և այլ վայրերի մարտերին մասնակցած հայ վաշտի հրամանատարներից մեկի մասին։ Պատասխանելով ադրբեջանական պետական ​​մեղադրողների հարցերին՝ Հարությունյանը նշել է, որ չի մասնակցել այդ մարտերին, քանի որ այդ ժամանակ սովորել է Երևանի Գյուղատնտեսական ինստիտուտում։

Պատասխանելով իր փաստաբանի հարցին՝ նա ասել է, որ 1993 թվականի օգոստոս-սեպտեմբերին տեղափոխվել է Արցախ՝ մշտական ​​բնակության։

Նախորդ դատավարության ընթացքում ներկայացված տեսանյութերին հղում անելով՝ նա ասել է, որ ծանոթ է Շուշիի ազատագրումը ղեկավարած անձանց (Սամվել Բաբայան, Սեյրան Օհանյան, Վալերի Չիտչյան, Արկադի Կարապետյան և այլն)՝ բացառությամբ Վալերի Չիտչյանի։

Դատավարության ժամանակ ներկայացվել և ուսումնասիրվել են, իբր, Գարադաղլի գյուղի «օկուպացիայից առաջ տեղի ունեցած միջադեպերի, այդ թվում՝ ադրբեջանական ուղղաթիռի խոցման վերաբերյալ փաստաթղթեր»։

Այնուհետև այդ իրադարձությունների, իբր, ականատես «տուժողները» ցուցմունք են տվել։ Մասնավոիապես, նրանցից Սեյյուր Նագիևն ասել է, թե ծնվել է Գարադաղլի գյուղում և ճանաչում է Դավիթ Իշխանյանին։

«Նա հարևան գյուղից է»,- ասել է նա։

Հաջորդ դատական նիստը նշանակվել է մայիսի 2-ին։

Թարգմանությունը՝ Էմմա Չոբանյանի