31.10.2026 | 10:25
Երևան մոլում բացվել է HayPass-ի գրասենյակը. Փաշինյանը ծանոթացել է անձնագիր ստանալու նոր համակարգին․ ՏԵՍԱՆՅՈՒԹ
Ծեծկռտուք է տեղի ունեցել Նոր Նորքի թաղապետարանում՝ թաղապետի մասնակցությամբ. ՈւՂԻՂ
Հասարակություն
30.04.2025 | 11:56
Այսօր ակտիվիստ Արթուր Չախոյանը գնացել է Նոր Նորք վարչական շրջանի աշխատակազմում անցկացվող հանրային քննարկման մասնակցելու։ Մինչ քննարկման մեկնարկը վիճաբանություն է սկսվել թաղապետարանի աշխատակիցների և ակտիվիսիտի միջև։ Վիճաբանությունը վերածվել է ծեծկռտուքի, որին մասնակցել է նաև վարչական շրջանի ղեկավար Տիգրան Տեր-Մարգարյանը։
Հիշեցնենք, որ երեկ Նոր Նորք վարչական շրջանի շենքում Չախոյանն ու ավագանու ընդդիմադիր անդամներն ակցիա էին իրականացնում թաղապետի դեմ, որը, ըստ Չախոյանի, հայհոյանքներով ու սպառնալիքներով է խոսել իր հետ նրա համար, որ բարձրաձայնել է Նոր Նորք վարչական շրջանի մանկապարտեզներից մեկի աշխատանքների թերությունները։
Այսօր ավելի վաղ Չախոյանը ֆեյսբուքյան գրառմամբ տեղեկացրել էր, որ մասնակցելու է թաղապետարանում սպասվող հանրային քննարկմանը։ «Մասիվի թաղապետին զգուշացրեք, որ գալիս եմ մասնակցելու հանրային քննարկմանը, որը պետք է հենց ինքը վարի։ Ասեք, որ չփորձի փախչել, որ հետո չասի՝ «իրանք գիտեին, որ այդտեղ չեմ լինելու»,- գրել էր ակտիվիստը։
