18.02.2026 | 22:39
ՀՀ դեսպանը Վիեննայում ներկայացրել է Հայաստանի խաղաղության օրակարգը
Ստամբուլում Մայիսի 1-ի նախաշեմին խուզարկություններ և զանգվածային ձերբակալություններ են իրականացվել
Քաղաքականություն
29.04.2025 | 14:54
Ստամբուլի ոստիկանությունը մայիսի 1-ի՝ Աշխատանքի օրվա նախաշեմին զանգվածային ձերբակալություններ է իրականացրել: Դատախազության կողմից անցկացված հետաքննությունը պարզել է, որ որոշ խմբեր կոչ են արել հավաքվել Թաքսիմ հրապարակում և դրա հարակից տարածքներում: Birgun-ի հաղորդմամբ՝ մայիսի 1-ից կարճ ժամանակ առաջ Ստամբուլում տների խուզարկությունների ժամանակ ձերբակալվել են տասնյակ մարդիկ, այդ թվում՝ արհմիությունների և ՀԿ-ների ներկայացուցիչներ։
Նշվում է, որ Ստամբուլի ոստիկանության խմբերը, Գլխավոր դատախազության համակարգմամբ, երեք առանձին գործողություն են իրականացրել։ Բազմաթիվ տներում կատարված խուզարկությունների ժամանակ, ընդհանուր առմամբ, ձերբակալվել է 92 մարդ։
Դատախազությունը հայտարարության մեջ նշել է, որ գործողությունն իրականացվել է այն հիմքով, որ «մայիսի 1-ին մարդկանց կարող էին սադրել՝ ցույց կազմակերպելու և իրավապահ մարմինների աշխատակիցների վրա փայտերով ու քարերով հարձակվելու համար»։
Հաղորդվում է նաև, որ ոստիկանության խուզարկության ժամանակ ձերբակալված որոշ անձինք ենթարկվել են բռնության։ Ձերբակալվածների թվում են նաև մի շարք՝ «Պարտիզան», «TÖP» և այլ կուսակցությունների անդամներ։
Ավելի վաղ մի շարք կազմակերպություններ և արհմիություններ հայտարարել էին մայիսի 1-ին միջոցառումներ անցկացնելու մտադրության մասին։
Թարգմանությունը՝ Էմմա Չոբանյանի
