25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Ինչո՞ւ սպասել մինչև մայիսի 8-ը, եթե կարող է կրակը դադարեցվել հիմա․ Ուկրանիայի ԱԳ նախարարն արձագանքել է Պուտինին
Քաղաքականություն
28.04.2025 | 18:10
Ուկրաինայի արտաքին գործերի նախարար Անդրեյ Սիբիհան X սոցիալական ցանցում մեկնաբանել է ՌԴ նախագահ Վլադիմիր Պուտինի հայտարարությունը մայիսի 8-ից երեք օրով Ռուսաստանի կողմից ռազմական գործողությունները դադարեցնելու մասին։
«Եթե Ռուսաստանն իսկապես խաղաղություն է ուզում, պետք է անհապաղ դադարեցնի կրակը։ Ինչո՞ւ սպասել մինչև մայիսի 8-ը, եթե կրակը կարող է դադարեցվել հիմա և ցանկացած ամսաթվից՝ 30 օրվա ընթացքում։ Եթե դա իրական է, այլ ոչ թե միայն շքերթի համար։ Ուկրաինան պատրաստ է աջակցել երկարատև, կայուն և լիարժեք հրադադարին, և դա այն է, ինչ անընդհատ առաջարկում են՝ առնվազն 30 օրվա ընթացքում»,- գրել է նա։
Հիշեցնենք, որ Կրեմլն այսօր ավելի վաղ հայտարարել էր, որ Վլադիմիր Պուտինի որոշմամբ, մարդասիրական նկատառումներից ելնելով, Հաղթանակի 80-ամյակի օրերին՝ մայիսի 7-8-ի կեսգիշերից մինչև մայիսի 10-11-ի կեսգիշերը, ռուսական կողմը հրադադար է հայտարարում։
Թարգմանությունը՝ Էմմա Չոբանյանի
