08.10.2026 | 18:02
Փարիզում քննարկվել է ապաստանի գործերով մասնագիտացված դատավորներ ունենալու հնարավորությունը
Լավրովն ու Ռուբիոն հեռախոսազրույց են ունեցել․ քննարկվել է ուկրաինական ճգնաժամը
Քաղաքականություն
28.04.2025 | 09:49
Ռուսաստանի ԱԳ նախարար Սերգեյ Լավրովը հեռախոսազրույց է ունեցել ԱՄՆ պետքարտուղար Մարկո Ռուբիոյի հետ, հաղորդում է ՌԴ ԱԳՆ-ն։
Ըստ հաղորդագրության՝ կողմերը կարծիքներ են փոխանակել ռուս-ամերիկյան քաղաքական երկխոսության հիմնական ասպեկտների շուրջ, որը վերջին ժամանակներում զգալիորեն ակտիվացել է։
«Հիմնական ուշադրությունը կենտրոնացվել է ուկրաինական ճգնաժամի թեմայի ուղղությամբ։ 2025 թվականի ապրիլի 25-ին Ռուսաստանի նախագահ Վլադիմիր Պուտինի և ԱՄՆ նախագահի հատուկ ներկայացուցիչ Սթիվ Ուիթքոֆի միջև կայացած զրույցի շարունակությամբ՝ նախարարն ու պետքարտուղարն ընդգծել են կայուն և երկարաժամկետ խաղաղության հասնելու բանակցություններ սկսելու համար առաջացած նախադրյալների համախմբման կարևորությունը։ Քննարկվել են նաև մի շարք այլ միջազգային հարցեր։ Համաձայնեցվել է շարունակել շփումները բոլոր մակարդակներում»,- ասվում է ռուսական կողմի հաղորդագրությունում։
