22.06.2026 | 01:08
ԱԱ-2026. Բելգիան ու Իրանը չպարզեցին հաղթողին. ՏԵՍԱՆՅՈՒԹ
Օմանում ապրիլի 26-ին Իրան-ԱՄՆ նոր բանակցություններ կկայանան
Քաղաքականություն
25.04.2025 | 13:21
Իրանի արտաքին գործերի նախարար Աբբաս Արաղչին ուրբաթ երեկոյան դիվանագիտական և տեխնիկական-փորձագիտական պատվիրակությամբ կմեկնի Օման՝ Մասկատում Միացյալ Նահանգների հետ անուղղակի բանակցություններ վարելու համար, գրում է Mehr գործակալությունը։
Իրանի ԱԳՆ խոսնակ Էսմայիլ Բաղային հայտարարել էր, որ Թեհրանն ու Վաշինգտոնը համաձայնության են եկել տեխնիկական և փորձագիտական մակարդակով նիստեր անցկացնելու վերաբերյալ՝ Իրանի և ԱՄՆ-ի ավագ բանակցողների մասնակցությամբ։ Նա նշել է, որ օմանցի հյուրընկալողի կողմից ձեռք բերված և Թեհրանի ու Վաշինգտոնի միջև համաձայնեցված պայմանավորվածությունների համաձայն՝ Իրանի արտաքին գործերի նախարարի և ԱՄՆ նախագահի հատուկ ներկայացուցչի միջև տեխնիկական հանդիպումներն ու անուղղակի բանակցություններ են նախատեսված շաբաթ օրը։
Բաղային ասել է, որ բանակցությունների առաջընթացը կախված է մյուս կողմի բարի կամքից, լրջությունից և իրատեսությունից։ Իրանական պատվիրակությունը բանակցությունների յուրաքանչյուր քայլը կհարմարեցնի՝ հիմնվելով անցյալի փորձի և ԱՄՆ-ի վարքագծի վրա, և ջանք չի խնայի Իրանի ժողովրդի օրինական իրավունքներն ու շահերը պաշտպանելու համար, հավելել է նա։
Հիշեցնենք, որ կողմերը մինչ այս արդեն երկու անգամ խորհրդակցություններ են անցկացրել՝ Օմանում ու Հռոմում։ Անցյալ ամիս ԱՄՆ նախագահ Դոնալդ Թրամփը նամակ էր ուղարկել Իրանի գերագույն հոգևոր առաջնորդ Այաթոլահ Ալի Խամենեին՝ ուղղակի միջուկային բանակցությունների կոչ անելով: Նամակի պատասխանն Իրանը փոխանցել է Օմանի միջոցով: Այս նամակագրությունից հետո ապրիլի 12-ին Օմանում կայացել են առաջին անուղղակի բանակցությունները Իրանի և ԱՄՆ-ի միջև: Ապրիլի 19-ին Հռոմում էր տեղի ունեցել հաջորդ հանդիպումը։
Բանակցություններին իրանական կողմից մասնակցել են երկրի արտաքին գործերի նախարար Աբբաս Արաղչին, ամերիկյան կողմից՝ նախագահ Դոնալդ Թրամփի հատուկ բանագնաց Սթիվ Ուիթկոֆը։
Թարգմանությունը՝ Էմմա Չոբանյանի
