30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Քոչարյանին հանգի՛ստ թողեք, էշին համբուրող մի հոգի չի եղել, շատ-շատ են եղել․ Սերժ Սարգսյան․ ՏԵՍԱՆՅՈՒԹ
Քաղաքականություն
24.04.2025 | 17:25
«Որ ասեմ իշխանությունները 100 տոկոսով ցեղասպանությունն ուրացել են՝ ոչ, բայց, իմ կարծիքով, այդ ճանապարհին են»,-այս մասին Ծիծեռնակաբերդում լրագրողների հետ ճեպազրույցում ասաց Սերժ Սարգսյանը: Նա պատասխանեց Ադրբեջանի և Թուրքիայի դրոշների այրելը դատապարտելու Փաշինյանի հայտարարության վերաբերյալ հարցին՝ պնդելով`«իշխանություններն ինչ էլ անեն և ասեն, միևնույն է ժողովրդի 80 տոկոսը նրանց «դավաճան» է անվանելու»:
Սերժ Սարգսյանը առանց փակագծեր բացելու հայտնեց, որ իրենք Նիկոլ Փաշինյանին հեռացնելու ծրագիր ունեն և այն կարտացոլվի մինչև 2026 թվականը: Սարգսյանը նշեց, որ իրենք առանց ծրագրի չեն գործում, բայց այն այս պահին հրապարակելու իմաստ չունի: Նրա կարծիքով` Փաշինյանին հեռացնելու պահը հասունացել է: Անդրադառնալով իր և Ռոբերտ Քոչարյանի թիմակիցների՝ միմյանց հասցեին հնչեցնող քննադատություններին,
Սարգսյանը պատասխանեց՝ «Ռոբերտ Քոչարյանին հանգի՛ստ թողեք․ իսկ «էշին համբուրողը» մեկ հոգի չի եղել, շատ-շատերն են եղել»: Սերժ Սարգսյանն այդպես էլ որևէ հստակ անուն չհնչեցրեց:
Սարգսյանի խոսքով՝ իշխանությունները չեն կարող հրաժարվել Անկախության հռչակագրից: Ըստ նրա` եթե եկող կիրակի լինի հանրաքվե, այն չի կայանա, բոլոր ուսումնասիրություններն այդ մասին են խոսում:
Հիշեցնենք` վերջերս Սերժ Սարգսյանը իր ղեկավարած ՀՀԿ-ի հոբելյանական նիստի ժամանակ ասել էր`«Ես ձեզ չեմ ստիպել գնալ և նախրի միջից պաչել ամենաբարձր զռացողի՝ էշի ճակատը: Դա, կարծես, թևավոր խոսք դարձավ սրանց մասին: Հիմա ուզում եմ, վերջին զարգացումները հաշվի առնելով, շարունակել միտքս. «Ձեր համբուրած էշին մեր դռանը մի կապեք»: Յուրաքանչյուրը պատասխանատու է այն էշի համար, որի ճակատը համբուրել է»:
Մանրամասները՝ տեսանյութում:
