14.06.2026 | 21:18
Վերաքվեարկություն պե´տք է լինի, բայց չեն անի. Արամ Վարդևանյան․ ՏԵՍԱՆՅՈւԹ
Փաշինյանը հաճոյանում է՝ դատապարտելով դրոշներն այրելը. Մանե Թանդիլյան․ ՏԵՍԱՆՅՈՒԹ
Քաղաքականություն
24.04.2025 | 13:14
«Ապրելու երկիր» կուսակցության համահիմնադիր Մանե Թանդիլյանը Ադրբեջանի և Թուրքիայի դրոշների այրումը ցանկալի երևույթ չի համարում: Ծիծեռնակաբերդի հուշահամալիրում լրագրողների հետ ճեպազրույցում, այդուհանդերձ, ընդգծեց, որ ցեղասպանությունն իրականացրել է մի երկիրը, որը մինչև այժմ չի ընդունում այն:
Թանդիլյանի խոսքով՝ ջահերով երթի ժամանակ Ադրբեջանի և Թուրքիայի դրոշների այրելը մի ակցիա է, որը քաղաքացիներն իրականացրել են որպես բողոք անարդարության հանդեպ: Ըստ նրա՝ Փաշինյանն ավելի լավ է դատապարտի Ադրբեջանի կողմից Սյունիքում բնակելի տան վրա կրակելը: Թանդիլյանի կարծիքով՝ հայկական կողմից այդ երևույթը չդատապարտելը Ադրբեջանին նոր սադրանք իրականացնելու հնարավորություն է տալիս:
«Ցավալի է, որ մենք դեռ մեր ցասումն այդ կերպ ենք արտահայտում, բայց դա բողոքի ակցիա է: Դատապարտելով այդ երևույթը` Նիկոլ Փաշինյանը հաճոյանում է: Փաշինյանը չէ, որ պետք է ուղենիշ լինի հայ ժողովրդի համար: Այս իշխանությունը Ստոկհոլմյան սինդրոմով է տառապում, դա նորմալ չէ»,- կարծիք հայտնեց քաղաքական գործիչը:
Ավելի վաղ ՀՀ վարչապետի մամուլի քարտուղար Նազելի Բաղդասարյանը, պատասխանելով «Արմենպրես»-ի հարցին, փոխանցել էր Նիկոլ Փաշինյանի վերաբերմունքը ապրիլի 23-ին ՀՅԴ-ի կազմակերպած ջահերով երթի ժամանակ Թուրքիայի և Ադրբեջանի դրոշների այրման առնչությամբ։
Փաշինյանը դատապարտել է այդ գործելակերպը՝ այն գնահատելով «անպատասխանատու և անընդունելի»:
Մանրամասները՝ տեսանյութում:
