27.06.2026 | 15:55
Մազաչափ թերությունն էլ որ եղել է, անմիջապես բարձրաձայնվել է, բոլորի հետևից գնացել ենք․ Հովակիմյան․ ՏԵՍԱՆՅՈՒԹ
Շատ ողբերգական դեպք է. ՔԿԾ պետը` Հայոց ցեղասպանության մասին․ ՏԵՍԱՆՅՈՒԹ
Տեսանյութեր
24.04.2025 | 10:57
«Ինձ համար սա շատ ողբերգական դեպք է»,- այս մասին Ծիծեռնակաբերդի հուշահամալիրում լրագրողների հետ ճեպազրույցում ասաց ԱՆ քրեակատարողական ծառայության պետ Ծովինար Թադևոսյանը՝ պատասխանելով ցեղասպանության փաստի վերաբերյալ իր դիրքորոշմանը: Ծովինար Թադևոսյանը լրագրողների հարցերին ի պատասխան հորդորեց իր ոլորտին վերաբերելի հարցեր հնչեցնել:
Հարցին` համակարգում, կարծես, իրեն չեն ընկալում, քրեակատարողական ծառայության պետն արձագանքեց՝ որտեղի՞ց են այդ ընկալումները: Նա վստահեցրեց, որ համակարգում չընկալված լինելու զգացողություն չունի:
Անդրադառնալով քրեակատարողական հիմնարկներում տեղի ունեցած ինքնասպանությունների դեպքերին՝ Թադևոսյանը նկատեց, որ դա իրենց համար ևս խնդրահարույց է: Ըստ ծառայության պետի՝ տարբեր գործոններ կան, որոնք ազդում են նման դեպքերի վրա:
«Նախ քրեակատարողականներում մեծ է հոգեկան առողջության խնդիրներ ունեցողների քանակը: Մենք արդեն ունենք վիճակագրական տվյալներ: Բացի այդ՝ քրեակատարողական հիմնարկն ինքնին սթրեսային վիճակ է առաջացնում անձանց համար և հոգեբանական խնդիրները սրվում են այդտեղ: Մենք մեծ աշխատանքներ ենք տանում թե՛ հոգեբանական աշխատանքներն ակտիվացնելու, թե՛ անվտանգային գործոններն ակտիվացնելու ուղղությամբ»,- ասաց նա:
Մանրամասները՝ տեսանյութում:
