08.10.2026 | 15:01
Հայտնի է ազատ ոճի ըմբշամարտի Հայաստանի հավաքականի կազմն ԱԱ-ում
Քրտնաջան մարզումների շնորհիվ կարողացա ոսկե մեդալով վերադառնալ Հայաստան. Գարիկ Կարապետյան
23.04.2025 | 17:10
Հայաստանի ծանրամարտի տղամարդկանց հավաքականի անդամ, Եվրոպայի չեմպիոն և բրոնզե մեդալակիր, 109 կգ քաշային Գարիկ Կարապետյանը, որը կարիերայում երկրորդ անգամ ոսկե մեդալ էր նվաճել Մոլդովայում ավարտին մոտեցող Եվրոպայի առաջնությունում, Երևան ժամանելուց հետո օդանավակայանում լրագրողների հետ զրույցում կիսվել է տպավորություններով․ գրում է armsport-ը։
«Վնասվածքից հետո դժվարություններ շատ-շատ են եղել: Շատ քիչ ժամանակ եմ ունեցել մարզվելու համար: Երկու հավաք եմ անցկացրել, ունեցել եմ 2 ամիս ժամանակ մարզվելու համար: Քրտնաջան մարզումների շնորհիվ հասել եմ իմ գերազանց վիճակին և կարողացա ոսկե մեդալով վերադառնալ Հայաստան»,- ասել է Կարապետյանը:
Հիշեցնենք՝ Կարապետյանը երկամարտում ցույց էր տվել 411 կգ արդյունք: Առանձին վարժություններում ևս հայ ծանրորդն արժանացել էր ոսկե մեդալներին: Պոկում վարժությունում Կարապետյանը գլխավերևում պահել էր 185 կգ կշռող ծանրաձողը,իսկ հրում վարժությունում՝ 226 կգ:
