08.09.2026 | 20:17
Պատրաստ եմ Ձեզ հետ մեկնել Բաքու. Ռուբեն Վարդանյանի կինը դիմել է Ալեն Սիմոնյանին
Էստոնիան նախատեսում է ռազմաբազա ստեղծել Ռուսաստանի հետ սահմանին
Քաղաքականություն
23.04.2025 | 17:25
Էստոնիան մտադիր է ռազմաբազա ստեղծել Ռուսաստանի հետ սահմանակից Նարվա քաղաքում, հայտարարել է Էստոնիայի Գլխավոր շտաբի պետ, գեներալ-մայոր Վահուր Կարուսը, հայտնում է «ՌԻԱ Նովոստին» ՝ հղում անելով ERR հեռարձակող ընկերությանը։
«Նախատեսվում է Նարվայում մշտական հիմունքներով տեղակայել զորամիավորումներ, նորմալացնել զինծառայողների ամենօրյա ներկայությունը քաղաքում», – ասել է նա։ Նա նաև հավելել է, որ ռազմաբազայում տարբեր զորամիավորումների հերթափոխ է նախատեսվում։
Նախատեսվում է տեղակայել մոտ 200-250 զինվորական։ Լինելու են ինչպես գործող զինծառայողներ, այնպես էլ՝ զորակոչիկներ և պահեստազորայիններ։ «Եթե ուսումնական ցիկլը թույլ է տալիս, Նարվա մեկնող զորամիավորումը կարող է իր հետ պահեստազորայիններ վերցնել՝ համատեղ մարտական հերթապահություն իրականացնելու համար», -հավելել է գեներալը։
Տարվա սկզբին Էստոնիայի իշխանությունները հայտարարել են, որ 30,5 միլիոն եվրո կհատկացնեն Ռուսաստանի հետ սահմանի ամրապնդման և դիտարկման հնարավորությունների ընդլայնման նպատակով։
Այս գումարից 12,5 միլիոնը կուղղվի անօդաչու թռչող սարքերի ստեղծմանը, իսկ 18 միլիոնը՝ ռազմական ենթակառուցվածքների կառուցմանը։ Նախատեսվում է, որ պաշտպանական շղթան կներառի մոտ 600 բունկեր, առաջին հենակետը՝ բաղկացած 14 բունկերներից, պետք է պատրաստ լինի մինչև աշուն։
