Քաղաքականություն
23.04.2025 | 16:49
Թուրքիայի Ազգային մեծ ժողովի (խորհրդարանի) նախագահ Նուման Քուրթուլմուշը կոչ է արել հաստատություններին և ժողովրդին պատրաստ լինել Թուրքիայում սպասվող մոտալուտ երկրաշարժին, գրում է Anadolu պետական գործակալությունը։
«Ստամբուլում սպասվող երկրաշարժն արդեն մոտ է։ Մեր հաստատությունները, մեր ժողովուրդը, մենք բոլորս պետք է պատրաստ լինենք հաղթահարել հնարավոր երկրաշարժը նվազագույն կորուստներով», – ասել է Քուրթուլմուշը։
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հայտարարել է, որ նախնական արդյունքներով` այսօր տեղի ունեցած երկրաշարժերի հետևանքով վնասներ, ավտոճանապարհներին, օդանավակայաններում, ինչպես նաև երկաթուղային և մետրոպոլիտենի գծերում վնասվածքներ, խափանումներ չեն հայտնաբերվել։
Ներկա պահին Ստամբուլում ավերածությունների մասին հաղորդումներ չեն ստացվել։ Հաղորդվում է, որ վթարային ծառայությունները շարունակում են հսկել հնարավոր տուժած շրջանները։
Հիշեցնենք, որ սեյսմոլոգները վերջին տարիներին ավելի հաճախ են կանխատեսումներ անում Ստամբուլում աղետալի հնարավոր երկրաշարժի մասին։
