Քաղաքականություն
23.04.2025 | 10:41
Հզոր պայթյուն է որոտացել Ռուսաստանի Վլադիմիրի մարզի Կիրժաչի շրջանի ռազմակայանի զինամթերքի պահեստում՝ Մոսկվայից հյուսիս-արևելք, որի արդյունքում հրդեհ է բռնկվել:
«Մեդուզա» տելեգրամ ալիքի տվյալներով, պայթել է ՌԴ Պաշտպանության նախարարության զինանոցը: Տեղացի բնակիչները տարհանվել են, արտակարգ դրության ռեժիմ է հայտարարվել:
ՌԴ Պաշտպանության նախարարությունը պաշտոնապես հայտնել է, որ զինամթերքը պայթել է հրդեհի հետևանքով:
Ենթադրաբար, սկզբնական պայթյունը տեղի է ունեցել Պաշտպանության նախարարության Գլխավոր հրթիռային վարչության 51-րդ զինանոցի տարածքում:
Ըստ տելեգրամ ալիքի` շրջանառվում են կարծիքներ, որ պայթյունի պատճառը եղել է անօդաչու թռչող սարքերի հարձակումը:
