04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
ՀՀ-ի ներգրավումը Ֆրանկոֆոնիային պատասխանն է Ադրբեջանի ներգրավվածությանն Իսլամական կոնֆերանսի կազմակերպությունում․ Սամվել Ֆարմանյան․ ՏԵՍԱՆՅՈՒԹ
05.10.2018 | 12:07
Ազգային ժողովի «Հանրապետական» խմբակցության պատգամավոր Սամվել Ֆարմանյանն այսօր խորհրդարանում արտաքին գործերի փոխնախարար Ռուբեն Ռուբինյանից հետաքրքրվեց՝ ինչպե՞ս են ընթանում Ֆրանկոֆոնիայի գագաթաժողովի նախապատրաստական աշխատանքները և արդյոք հստակեցված են այն արտաքին քաղաքական ակնկալիքները, որոնք ՀՀ-ն ունի այս կարևոր միջոցառումից։
Պատգամավորի հարցին ի պատասխան՝ փոխնախարարը նշեց, որ Ֆրանկոֆոնիայի նախապատրաստական աշխատանքներն ընթանում են՝ ըստ նախատեսվածի, իսկ ինչ վերաբերում է արտաքին քաղաքական կոնտեքստին, ապա այս միջոցառման շրջանակներում Հայաստան են ժամանելու այնպիսի կարևոր երկրների ղեկավարներ, ինչպիսիք են Ֆրանսիան և Կանադան, և այս գագաթաժողովը ստեղծելու է հնարավորություն՝ խթանելու հարաբերություններն այդ պետությունների հետ։
ԱԺ ՀՀԿ-ական պատգամավոր Սամվել Ֆարմանյանն էլ արձագանքեց, որ գագաթաժողովն ունենալու է հռչակագիր և երկկողմ հանդիպումների ձևաչափ և այս առումով ինքը հորդորում է ներկայացնել այն բովանդակային ձեռբքերումը, որը մենք սպասում ենք։ «ՀՀ-ի ներգրավումը Ֆրանկոֆոնիային պատասխանն է Ադրբեջանի ներգրավվածությանն Իսլամական կոնֆերանսի կազմակերպությունում»,- ասաց պատգամավորը։
Մանարամասները՝ տեսանյութում։
