18.02.2026 | 23:28
Ստեփանծմինդա-Լարս ավտոճանապարհը փակ է
Թրամփը խոստացել է ՌԴ-ի և Ուկրաինայի միջև «խաղաղության համաձայնագրի» մանրամասները բացահայտել 3 օրվա ընթացքում
Քաղաքականություն
22.04.2025 | 12:40
ԱՄՆ նախագահ Դոնալդ Թրամփը կարծում է, որ Ռուսաստանի և Ուկրաինայի միջև «խաղաղության համաձայնագրի» կնքման համար «շատ լավ» հնարավորություններ կան։ Այս մասին նա հայտնել է լրագրողներին Սպիտակ տանը՝ Սուրբ Զատկի տոնի միջոցառման ժամանակ, հաղորդում է «Եվրոպեյսկայա Պրավդան»-ն։
ԱՄՆ-ի առաջարկած Ուկրաինայի և Ռուսաստանի միջև «խաղաղության համաձայնագրի» մանրամասների վերաբերյալ հարցին ի պատասխան՝ Թրամփը խոստացել է «բոլոր մանրամասները հայտնել հաջորդ երեք օրվա ընթացքում»:
«Մենք շատ լավ հանդիպումներ ունեցանք Ուկրաինայի և Ռուսաստանի հարցերով»,- հավելել է նա։
Հարցին՝ արդյո՞ք այս շաբաթ հնարավոր է հասնել նման «խաղաղության համաձայնագրի» կնքման, Թրամփը դրական է պատասխանել՝ հավելելով. «Շատ լավ հնարավորություն կա»։
Ըստ տեղեկությունների՝ ԱՄՆ-ը սպասում է Կիևի պատասխանին, ակնկալվում է, որ այն կներկայացվի այս շաբաթ Լոնդոնում` ԱՄՆ-ի, Ուկրաինայի և եվրոպացի պաշտոնյաների հանդիպման ժամանակ:
Հիշեցնենք, որ ԱՄՆ նախագահը նախօրեին հույս էր հայտնել, որ Ռուսաստանը և Ուկրաինան այս շաբաթ գործարք կկնքեն։ Այս մասին նա գրել է իր Truth Social սոցիալական ցանցում։ «Հուսով եմ՝ Ռուսաստանն ու Ուկրաինան այս շաբաթ գործարք կկնքեն։ Երկուսն էլ կսկսեն դրանից հետո մեծ բիզնես անել Միացյալ Նահանգների հետ և հարստություն կստեղծեն»,- նշել էր նա։
