07.06.2026 | 12:59
Կիբերհարձակումները կարող են սկսվել ընտրության հաջորդ օրը՝ որպես պատժամիջոց․ Սամվել Մարտիրոսյան. ՏԵՍԱՆՅՈՒԹ
«Նուբարաշեն»-ում գրանցված մահվան դեպքով վարույթը հարուցվել է ինքնասպանության հասցնելու հոդվածով
Հասարակություն
21.04.2025 | 21:37
Երեկ «Նուբարաշեն» ՔԿՀ-ում ինքնաշեն պարանի միջոցով ինքնասպան եղած 52-ամյա դատապարտյալ Զ.Խ-ի մահվան դեպքի առթիվ քրեական վարույթ է նախաձեռնվել ինքնասպանության հասցնելու հոդվածի հատկանիշներով։
««Նուբարաշեն» ՔԿՀ-ում ապրիլի 20-ին դատապարտյալի ինքնասպան լինելու դեպքի առթիվ ՀՀ ՔԿ Էրեբունի և Նուբարաշեն վարչական շրջանների քննչական բաժնում ՀՀ քրեական օրենսգրքի 162-րդ հոդվածի 2-րդ մասի 6-րդ կետով (ինքնասպանության հասցնել, որն իրականացվել է ձերբակալված, կալանավորված կամ քրեակատարողական հիմնարկում պատիժ կրող անձի նկատմամբ) նախաձեռնվել է քրեական վարույթ»,- FactorTV-ին փոխանցեց ՔԿ մամուլի քարտուղար Կիմա Ավդալյանը։
Նշենք, որ տվյալ հոդվածը նախատեսում է պատիժ մեկից չորս տարի ժամկետով:
Հիշեցնենք՝ երեկ տեղի ունեցած ինքնասպանության դեպքն անցնող 4 ամիսների ընթացքում ՔԿՀ-ներում մահվան 9-րդ դեպքն է։ Դրանցից 5-ի դեպքում կալանավորը/դատապարտյալը, նախնական վարկածով, գործել է ինքնասպանություն։
Ռոզա Վարդանյան
