24.06.2026 | 15:55
ՌԴ ևս երեք շրջաններում դիզվառելիքի վաճառքի սահմանափակումներ են մտցվել
4 ամսում ինքնասպանության 5-րդ դեպքը ՔԿՀ-ում. պարանի միջոցով խեղդամահ է եղել 52-ամյա տղամարդը
Հասարակություն
21.04.2025 | 16:15
Երեկ ՔԿՀ-ում դատապարտյալ է ինքնասպան եղել։ Ինչպես Factor TV-ի հետ զրույցում նշեց Քրեակատարողական ծառայության հասարակայնության և լրատվության վարչության պետ Նոնա Նավիկյանը՝ ապրիլի 20-ին՝ ժամը 11։30-ի սահմաններում, ՀՀ արդարադատության նախարարության «Նուբարաշեն» քրեակատարողական հիմնարկում պատիժ կրող դատապարտյալ, 1973թ․ ծնված Զ․Խ․-ն կատարել է ինքնասպանություն ինքնաշեն պարանով կախվելու միջոցով.
«Անմիջապես կանչվել է շտապօգնություն։ Ժամանած շտապօգնության բուժանձնակազմն արձանագրել է դատապարտյալի մահը։ Դեպքի առթիվ ՀՀ ՔԿ Երևան քաղաքի Էրեբունի և Նուբարաշեն վարչական շրջանների քննչական բաժնում նախաձեռնվել է քրեական վարույթ»։
Սա ՔԿՀ-ներում այս տարվա ընթացքում գրանցված արդեն 9-րդ մահվան դեպքն է, ինքնասպանության՝ 5-րդ դեպքը։ Նախորդ 3-ի դեպքում ևս ինքնասպանության գործիք էր հանդիսացել սավանը, մեկն իրականացվել էր ածելու սայրի օգնությամբ։
Ռոզա Վարդանյան
