02.08.2026 | 21:08
Շոգ եղանակին՝ առավել զգոնություն. ՍԱՏՄ-ի կոչը հանրային սննդի ոլորտի ներկայացուցիչներին և միջոցառումների կազմակերպիչներին
8 դեպք, որից 4-ը՝ ինքնասպանություն․ ինչու են բանտերում աճում մահվան դեպքերը և ովքեր են մեղավոր. ՏԵՍԱՆՅՈՒԹ
Հասարակություն
19.03.2025 | 20:45
Ընդամենը երեք ամսվա ընթացքում քրեակատարողական հիմնարկներում մահվան 8 դեպք է գրանցվել, որից 4-ը՝ ինքնասպանության։ 3 դեպքում ինքնասպանության գործիք է հանդիսացել սավանը, մեկն իրականացվել է ածելու սայրի օգնությամբ։
Ինքնասպանության հերթական գույժը երկու օր առաջ ստացվեց «Արթիկ» քրեակատարողական հիմնարկից։ Քրեակատարողական ծառայությունից Factor TV-ին փոխանցեցին, որ առավոտյան ժամը 09:05-ին իր խցում հայտնաբերվել է 49-ամյա Ն. Ա.-ի- դին՝ սավանով կախված վիճակում, կողքին էլ՝ նամակ, որի բովանդակությունն այդպես էլ չի հրապարակվում։ Թե որն է եղել կալանավորի՝ նման ծայրահեղ քայլի դիմելու պատճառը և ինչ խնդիր է ունեցել նա հիմնարկում, այս պահին անորոշ է։ Նախաձեռնվել է քրեական վարույթ՝ ինքնասպանության հասցնելու հոդվածի հատկանիշներով։
Ընդամենը 3 ամսվա ընթացքում 8 դեպքն առնվազն մտահոգիչ ցուցանիշ է, եթե հաշվի առենք, որ նախորդ ամբողջ տարվա ընթացքում գրանցված 12 մահվան դեպքից որևէ մեկն ինքնասպանություն չի եղել։
Ըստ Քրեակատարողական ծառայության ամփոփագրի՝ 2024 թվականին գրանցված բոլոր դեպքերը եղել են կենսաբանական մահ․ դրանցից 10-ն արձանագրվել է քաղաքացիական հիվանդանոցներում։
Փորձագետները մահվան դեպքերի առաջին պատճառներից մեկը համարում են առողջապահական ոլորտի թերացումները։
Ինքնասպանության ռիսկի պարբերաբար գնահատման գործիքակազմ չունենք՝ ահազանգում են Մարդու իրավունքների պաշտպանի գրասենյակից։
Ողբերգական ելքով դեպքերի թիվն այս տարի 1-ով ավելի կարող էր լինել, եթե չլիներ «Արմավիր» քրեակատարողական հիմնարկի կալանավորի զգոնությունը։ Նա ժամանակին հասցրել էր կանխել Հարություն Մուրադյանի ինքնասպանության փորձը։ Նա այդ ծայրահեղ քայլին էր դիմել, քանի որ արդեն մի քանի ամիս ուշադրություն էր փորձում հրավիրել իր գործով անարդարացի քննության վրա, բայց ապարդյուն։
Քրեակատարողական ծառայությունից պնդում են՝ ամեն անհրաժեշտն իրականացվում է դեպքերը կանխելու ուղղությամբ։
2025 թվականի հունվարի 1-ի դրությամբ՝ ՀՀ 10 քրեակատարողական հիմնարկներում պահվում էր անազատության մեջ գտնվող 2,686 անձ։ Ինչո՞ւ է նրանցից 4-ը դիմել ամենածայրահեղ քայլին․ պատասխանատուներն այս հարցի պատասխանը չունեն։
Մանրամասները՝ տեսանյութում։
Ռոզա Վարդանյան
