16.05.2025 | 11:03
Հայտնի է՝ այսօր Ստամբուլում երբ տեղի կունենան Թուրքիա-ԱՄՆ-Ուկրաինա և Թուրքիա-Ռուսաստան-Ուկրաինա եռակողմ հանդիպումները
Վարազդատ Լալայանը դարձել է Եվրոպայի առաջնության կրկնակի չեմպիոն
21.04.2025 | 18:56
Տղամարդկանց հավաքականի անդամ, Օլիմպիական խաղերի արծաթե մեդալակիր, աշխարհի և Եվրոպայի չեմպիոն Վարազդատ Լալայանը երկրորդ տարին անընդմեջ Եվրոպայի ոսկե մեդալակիր է: Այս մասին տեղեկացնում են Ծանրամարտի ֆեդերացիայից։
Մոլդովայի մայրաքաղաք Քիշնևում ընթացող Եվրոպայի առաջնության գերծանր քաշային կարգի պայքարում Վարազդատ Լալայանը (անձնական մարզիչ` Կարեն Կարապետյան) պոկեց 200 կգ, 210 կգ: Այս ձևում Լալայանը ոսկե մեդալակիր է:
Հրում վարժությունում նա բարձրացրեց 240 կգ: Այս վարժությունում ևս մեր ծանրորդն արժանացավ ոսկե մեդալի:
Երկամարտի 450 կգ արդյունքով` Վարազդատ Լալայանը երկրորդ տարին անընդմեջ ոսկե մեդալ է նվաճում Եվրոպայի առաջնությունում:
Հայաստանի ծանրամարտի տղամարդկանց հավաքականի գլխավոր մարզիչը Փաշիկ Ալավերդյանն է, իսկ ընտրանու մարզիչը` Հակոբ Փիլոսյանը:
