11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
Կոնդի վերակառուցման մրցույթում հաղթող չի ընտրվել. Ավինյանը հորդորեց ներդրողներ գտնել․ ՏԵՍԱՆՅՈՒԹ
Տնտեսություն
21.04.2025 | 11:47
Կոնդ թաղամասի վերակառուցման մրցութային գործընթացում հաղթող չի ընտրվել։ Այս մասին Երևանի քաղաքապետարանի գործակարգավարական նիստում զեկուցեց քաղաքապետի խորհրդական Սոնա Թևանյանը։
«Չի արձանագրվել մի հայեցակարգ, որն ամբողջությամբ բավարարում է հանձնաժողովի պահանջներին։ Ներկայում իրականացվում է աշխատանք՝ առկա հայեցակարգերի և այլ ճարտարապետական լուծումների համադրմամբ՝ նպատակ ունենալով մշակել ամբողջական մի նոր հայեցակարգ։ Այն պետք է անցնի մասնագիտական քննարկումներ, որից հետո հնարավոր կլինի խոսել դրա գործնական կիրառման, ներդրողների ներգրավման և Կոնդի վերակառուցման նախագծի հաջորդ փուլերի մասին»,- ասաց Թևանյանը։
Երևանի քաղաքապետ Տիգրան Ավինյանն էլ հիշեցրեց, որ գործընթացը մեկնարկել է դեռևս այն ժամանակ, երբ ինքը զբաղեցնում էր փոխվարչապետի պաշտոնը։ «Ենթադրվում էր, որ ծրագիրը կավարտվի մեկ տարվա ընթացքում, սակայն մինչ օրս մրցութային գործընթացի հաղթող չենք ունեցել։ Պետք է դասեր քաղել, թե ինչպես չանել գործընթաց, հասկանալ՝ ի՞նչն է սխալ եղել, որ 4 տարի միջազգային մրցույթ ենք իրականացրել, և նույնիսկ հաղթող չունենք։ Անընդհատ խոսում ենք մրցութային ընթացակարգով անելու մասով, բայց տեսնում ենք, որ շատ դեպքերում դա լավագույն լուծումը չէ»,- նշեց Ավինյանը։
Մանրամասները՝ տեսանյութում։
