08.09.2026 | 21:22
ՊՆ ՌՈ պետ Արամ Հովհաննիսյանն անցկացրել է ստուգատես
Մայիսի 9-ին ԵՄ երկրների ԱԳ նախարարները կհավաքվեն Կիևում
Քաղաքականություն
18.04.2025 | 12:47
Մայիսի 9-ին ԵՄ անդամ երկրների ԱԳ նախարարները կհավաքվեն Կիևում՝ նշելու Եվրոպայի օրը։ Այս մասին հայտարարել է Ֆրանսիայի ԱԳՆ ղեկավար Ժան-Նոել Բարրոն, փոխանցում է ՈՒՆԻԱՆ-ը։
«Եվրոպայի արտգործնախարարները մտադիր են մայիսի 9-ին հանդիպել Կիևում: Ես անպայման այնտեղ կլինեմ»,- ասել է Բարրոն LCI հեռուստաալիքի եթերում:
Ֆրանսիայի ԱԳՆ ղեկավարը հավելել է՝ եվրոպացի դիվանագետներն այդ օրը կհավաքվեն Կիևում՝ Ուկրաինայի հետ համերաշխությունը ցուցադրելու համար։
«Այդ օրը Պուտինը ծրագրում է մեծ տոնակատարություն Մոսկվայում։ Նրանց համար դա Հաղթանակի օրն է, մեզ համար կլինի Ուկրաինայի հետ համերաշխության օր»,- ասել է նա:
Ավելի վաղ ԱՊՀ գլխավոր քարտուղար Սերգեյ Լեբեդևը հայտարարել էր, որ մայիսի 9-ին կազմակերպության անդամ պետությունների ղեկավարները Մոսկվայում կմասնակցեն Երկրորդ համաշխարհային պատերազմում տարած հաղթանակի 80-ամյակին նվիրված տոնակատարություններին։
