07.03.2026 | 22:11
Նոր նշանակումներ՝ մարմնամարզության Հայաստանի հավաքականներում
ԵԱՀԿ Մինսկի խմբի մանդատը կորցրել է ակտուալությունը․ Զախարովան կրկնել է Բաքվի տեսակետը․ ՏԵՍԱՆՅՈՒԹ
Քաղաքականություն
17.04.2025 | 17:46
ԵԱՀԿ Մինսկի խմբում ԱՄՆ-ի և Ֆրանսիայի համանախագահների կողմից շփումների վերացումը ՌԴ համանախագահի հետ, որը տեղի է ունեցել 2022 թվականի փետրվարին, նաև Հայաստանի կողմից Ղարաբաղի ճանաչումը որպես Ադրբեջանի անբաժան մաս Պրահայի գագաթնաժողովի արդյունքներով, փոխել են իրավիճակը գետնի վրա։ Այս մասին ամենշաբաթ ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա ասել է, որ ԼՂ հակարամարտության կարգավորության հարցով ԵԱՀԿ-ի կողմից հաստատված համանախագահության մանդատը կորցրել է ակտուալությունը։ Ըստ նրա՝ ԵԱՀԿ բոլոր ինստիտուտներն այդ հարցով ենթակա են լուծարման։
«Կարծում ենք՝ օպտիմալ լուծումը Բաքվի ու Երևանի համատեղ համապատասխան առաջարկն է նշյալ ինստիտուտների լուծարման համար։ Մենք մեր կողմից մտադիր ենք նպաստել գործընկերներին՝ հաղթահարել խոչընդոտները և հասնել խաղաղության պայմանագրի ստորագրման ու տրանսպորտային հաղորդակցությունների ապաշրջափակման, դելիմիտացիայի և հումանիտար հարցերի լուծման»,- ասել է ՌԴ ԱԳՆ պաշտոնական ներկայացուցիչը՝ հավելելով, որ հաստատում են ռուսական հարթակը տրամադրելու պատրաստակամությունը։
Մանրամասները՝ տեսանյութում։
Էմմա Չոբանյան
