13.12.2025 | 17:30
Մբապեն տրանսֆերային արժեքով հավասարվել է Հոլանդին ու Յամալին
Այսօր ՀՀ-ում սկսվել է հեղափոխություն, որը նույնքան կարևոր է, որքան 2018թ.-ինը. Նիկոլ Փաշինյան․ ՏԵՍԱՆՅՈՒԹ
Քաղաքականություն
17.04.2025 | 16:17
«Այսօր Հայաստանում սկսվել է հեղափոխություն, որը եթե ոչ առավել, առնվազն նույնքան կարևոր է, որքան 2018 թվականի ժողովրդական ոչ բռնի թավշյա հեղափոխությունը, և այդ հեղափոխությունն էլ է ավարտվելու ժողովրդական հաղթանակով»,- այս մասին ԱԺ-ում Կառավարության ծրագրի նախորդ տարվա կատարողականի եզրափակիչ ելույթում հայտարարեց ՀՀ վարչապետ Նիկոլ Փաշինյանը։
Ըստ կառավարության ղեկավարի՝ տեղի է ունենում իրական Հայաստանի սոցիալ հոգեբանական հեղափոխություն։ Նրա խոսքով՝ այդ հեղափոխության առանցքային արձանագրումն այն է, որ վերջին մի քանի հարյուրամյակներում առաջին անգամ միջազգայնորեն ճանաչված մեր պետությունը և մեր հայրենիքը նույնական են։
«Պետությունը, որում ապրում ենք, նույնպես Հայաստանն է։ Ընդդիմությունն այդպես էլ չի ընդունում սա, չի հասկանում, թե ի՞նչ է նշանակում «Հայրենիքը պետությունն է» կարգախոսը և ի՞նչ բացատրություն ունի։ Իսկ բացատրությունն այն է, որ վերջին առնվազն վեց դարում մենք ապրել ենք մի իրավիճակում, երբ մեր հայրենիքը եղել է Հայաստանը, իսկ պետությունը՝ Պարսկաստանը։ Հայրենիքը եղել է Հայաստանը, պետությունը՝ Օսմանյան կայսրությունը, հայրենիքը՝ Հայաստանը, պետությունը՝ Ռուսական Կայսրությունը, Հայրենիքը՝ Հայաստանը, պետությունը՝ Խորհրդային Միությունը։ Եվ ինչպես պարզ թվարկումը ցույց է տալիս, պետությունը հիմնականում ատելի է եղել մեզ համար, իսկ հայրենիքը սիրելի ու խեղճ ու կրակ։ Ու այս սոցիալ հոգեբանությունը մեզ համար դարձել է ձեռքբերովի ռեֆլեքս, ատելություն պետության և նրա ատրիբուտների ու կառուցակարգերի նկատմամբ, հուսահատ և անկանոն սեր հայրենիքի նկատմամբ։
Սա է պատճառը, որ ընդդիմությունը հուսահատ աղաղակում է։ Ժողովո՜ւրդ, հասե՛ք, սրանք բյուջե են լցնում»,- շեշտեց նա։
Մանրամասները՝ տեսանյութում։
