13.12.2025 | 17:30
Մբապեն տրանսֆերային արժեքով հավասարվել է Հոլանդին ու Յամալին
29.743 ք/կմ տարածքով ՀՀ-ն ոչ թե ավելի մեծ հայրենիք ունենալու միջոց է, այլ` երազանքների պետություն. Նիկոլ Փաշինյան․ ՏԵՍԱՆՅՈՒԹ
Քաղաքականություն
17.04.2025 | 15:39
«9,743 քառակուսի կիլոմետր տարածքով Հայաստանի Հանրապետությունը ոչ թե ավելի մեծ հայրենիք ունենալու միջոց է, այլ մեր երազանքների հայրենիք-պետությունն է»,- այս մասին ԱԺ-ում կառավարության ծրագրի կատարողականի եզրափակիչ ելույթում շեշտեց ՀՀ վարչապետ Նիկոլ Փաշինյանը։
«2018 թվականի ժողովրդական ոչ բռնի թավշյա հեղափոխությամբ Հայաստանի կառավարման ղեկին հայտնված քաղաքական թիմը դաժան փորձությունների ու հարվածների տարափի ներքո ինտուիցիա և արիություն է ցուցաբերել՝ կարողանալով քայլ առ քայլ, կտոր-կտոր առերեսվել այն փաստի հետ, որ Ղարաբաղյան շարժումն օբյեկտիվորեն վաղուց ավարտվել է և այն շարունակելու մեր հավաքական ջանքն ընդամենը օգտագործվում է Հայաստանի առանց այն էլ թուլացած անկախությանն ու պետականությանը վերջ դնելու համար։ Ու այս իրողությանն առերեսվելով՝ կառավարող մեծամասնությունը որդեգրել է մի ռազմավարություն, համաձայն որի՝ Հայաստանի Հանրապետությունը ոչ թե Ղարաբաղի կամ ինչպես ասում են՝ մեկ այլ ազատագրական հարցի լուծման գործիք է, այլ Հայաստանի քաղաքացիների բարեկեցությունը, ազատությունը, երջանկությունը, անվտանգությունն ապահովելու գործիք, որ 29,743 քառակուսի կիլոմետր տարածքով Հայաստանի Հանրապետությունը ոչ թե ավելի մեծ հայրենիք ունենալու միջոց է, այլ մեր երազանքների հայրենիք-պետությունն է և մեր վերջնական հանգրվանը՝ որպես ժողովուրդ»,- նշեց նա։
Մանրամասները՝ տեսանյութում։
