07.05.2025 | 23:30
Ադրբեջանում բռնաճնշումները շարունակվում են․ անկախ լրագրողի և քաղակտիվիստի են ձերբակալել
Սլովենիայի ԱԳ նախարարը ՀՀ-ին և Ադրբեջանին կոչ է արել հնարավորիս շուտ ստորագրել խաղաղության պայմանագիրը
Քաղաքականություն
17.04.2025 | 15:34
Սլովենիան հետաքրքրված է Հայաստանի և Ադրբեջանի միջև խաղաղության հաստատմամբ։ Ես ողջունում եմ խաղաղության համաձայնագրի տեքստի ավարտը և կոչ եմ անում երկու կողմերին՝ հնարավորինս շուտ ստորագրել այն։ Այս մասին հայտարարել է Սլովենիայի փոխվարչապետ, արտաքին ու եվրոպական հարցերի նախարար Տանյա Ֆայոնը Բաքվում Ադրբեջանի ԱԳ նախարար Ջեյհուն Բայրամովի հետ կայացած բանակցություններից հետո մամուլի ասուլիսում։
«Այս համաձայնագիրը կարևոր ներդրում կունենա ինչպես տարածաշրջանի, այնպես էլ մյուս պետությունների համար։ Ստորագրվելուց հետո այն զգալի ներդրում կունենա Կենտրոնական Ասիայի և Եվրոպայի, Արևելքի և Արևմուտքի միավորման գործում»,- ասել է Ֆայոնը։
Հավելենք, որ Բայրամովի հետ հանդիպումից առաջ Ֆայոնին ընդունել է նաև Ադրբեջանի նախագահ Իլհամ Ալիևը։ Ըստ ադրբեջանական կողմի՝ հանդիպմանը քննարկվել են Բալկանյան տարածաշրջանի երկրների, այդ թվում՝ Սլովենիայի հետ էներգետիկայի ոլորտում երկրի համագործակցության զարգացման հարցերը, ինչպես նաև մտքեր են փոխանակվել այս ոլորտում հեռանկարների վերաբերյալ։
Հիշեցնենք, որ ավելի վաղ Սլովենիայի ԱԳ նախարարն այցով Երևանում էր, որտեղ նա հանդիպումներ է անցկացրել տարբեր պաշտոնյաների, այդ թվում՝ ՀՀ վարչապետ Նիկոլ Փաշինյանի ու ԱԳ նախարար Արարատ Միրզոյանի հետ։
Թարգմանությունը՝ Էմմա Չոբանյանի
