04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Թբիլիսում ընթանում է Հայաստանի, Ադրբեջանի և Վրաստանի ԱԳ փոխնախարարների հանդիպումը
Քաղաքականություն
17.04.2025 | 12:15
Թբիլիսիում ընթանում է Հայաստանի, Վրաստանի և Ադրբեջանի ԱԳ փոխնախարարների եռակողմ հանդիպումը, հաղորդում են ադրբեջանական լրատվամիջոցները։
Նշվում է, որ միջոցառումը բացել է Վրաստանի արտաքին գործերի նախարար Մակա Բոճորիշվիլին։
Հանդիպման նպատակն է երեք երկրների միջև կարծիքների և տեսակետների փոխանակում եռակողմ համագործակցության գործընթացի հիմք հանդիսացող հնարավոր ոլորտների վերաբերյալ։
«Հանդիպմանը կքննարկվեն եռակողմ համագործակցության հնարավորությունները։ Կորոշվեն երեք երկրների համար պոտենցիալ հետաքրքրություն ներկայացնող ուղղությունները, ինչպես նաև համագործակցության հնարավոր ոլորտները, որպեսզի տարածաշրջանի երկրները կարողանան զարգացնել համատեղ մոտեցումներ մի շարք հարցերի վերաբերյալ։ Սա կլինի այսօրվա քննարկումների հիմնական թեման»,- լրագրողներին ասել է Վրաստանի փոխարտգործնախարար Լաշա Դարսալիան։
ՀՀ ԱԳՆ-ից Factor TV-ին հայտնել էին, որ հանդիպմանը մասնակցելու է ԱԳ նախարարի տեղակալ Վահան Կոստանյանը։ Ադրբեջանը ներկայացնում է ԱԳ փոխնախարար Էլնուր Մամեդովը։
Թարգմանությունը՝ Էմմա Չոբանյանի
