18.12.2025 | 23:24
ՀՀ տարածքում ավտոճանապարհները հիմնականում անցանելի են
«Հելե՛ք ու ամբիոնից ասե՛ք՝ ես հրաժարական եմ տալիս»․ Մինասյանի հորդորը Փաշինյանին․ ՏԵՍԱՆՅՈՒԹ
Քաղաքականություն
16.04.2025 | 14:35
«Հայտարարում եք, որ Հայաստանի ոչ մի իշխանության չի հաջողվել պետական բյուջեի եկամուտները կրկնապատկել, այդքան պարզ սուտ ո՞րտեղից եք կարողանում հնարել։ Վերցրեք վիճակագրության պաշտոնական հրապարակված տեղեկությունները, օրինակ, 2000-2007 թվականներին պետական բյուջեի եկամուտներն ու տրանսֆերտներն աճել են 4,5 անգամ և այդպես շարունակ։ Հպարտորեն հայտարարում եք, որ դուք ամենաարդյունավետ աշխատողն եք, դուք ամենակորստաբերն եք եղել»,- Ազգային ժողովում հայտարարեց «Հայաստան» խմբակցության պատգամավոր Արծվիկ Մինասյանը՝ դիմելով իշխանության ներկայացուցիչներին։
Նրա խոսքով՝ իշխանության ներկայացրած «Իրական Հայաստանը» Հայաստան չլինելն է, ողբացող Հայաստանն ու ժողովուրդն է։ Ընդդիմադիր պատգամավորը ելույթն ավարտվեց Նիկոլ Փաշինյանին ուղղված խնդրանքով։
«Պարո՛ն Փաշինյան, ես Ձեզ ճանաչել եմ շատ վաղուց, գիտեմ, որ շատ հաճախ դուք քայլեր եք անում, հետո նոր եք հետ գալիս ու մտածում՝ պետք էր անել այդ քայլը, թե՝ ոչ: Մի անգամ խնդրանք ունեմ Ձեզ, էս անգամ հելեք այս ամբիոնից ասեք՝ ժողովուրդ ես հեռանում եմ, գնացե՛ք ընտրեք ձեր ուզածներին, թո՛ղ այդ մարդիկ գան, ձեզ ներկայացնեն այն բանաձևը, որը Հայաստանը այս վիճակից դուրս կբերի: Մի՛ համարեք, որ Դուք վերջին ճշմարտությունն եք: Դուք ոչ միայն վերջին ճշմարտությունը չեք, այլ նաև նախավերջինն էլ չեք Ձեր՝ այս իրականացրած գործողություններով»։
Մանրամասները՝ տեսանյութում։
