25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Փարիզը շարունակելու է աջակցել ՀՀ դիմակայունությանը և ինքնիշխանությանը․ Ֆրանսիայի ԱԳ նախարարը՝ Միրզոյանին
Քաղաքականություն
16.04.2025 | 16:21
Ֆրանսիական կողմը մանրամասներ է ներկայացրել ՀՀ ԱԳ նախարար Արարատ Միրզոյանի ու Ֆրանսիայի Եվրոպայի ու արտաքին գործերի նախարար Ժան-Նոել Բարոյի՝ նախօրեին տեղի ունեցած հեռախոսազրույցի վերաբերյալ։ Ֆրանսիայի ԱԳՆ-ն հայտնում է, որ երկկողմ օրակարգի հարցերի քննարկումից բացի զրույցը երկու նախարարների համար հնարավորություն էր՝ քննարկելու Հայաստանի և Ադրբեջանի միջև խաղաղության գործընթացը և տարածաշրջանում անվտանգության իրավիճակը։
«Նախարարը վերահաստատել է խաղաղության պայմանագրի շուտափույթ ստորագրման և վավերացման կարևորությունը, որը պետք է հնարավորություն տա Հարավային Կովկասին դառնալ խաղաղության, ինտեգրման և համագործակցության տարածք՝ բաց սահմաններով՝ ի շահ տարածաշրջանի բնակչության»,- ասվում է հայտարարության մեջ։
Ժան-Նոել Բարոն վերահաստատել է, որ Ֆրանսիան շարունակելու է աջակցել Հայաստանի դիմակայունությանը և ինքնիշխանությանը։
Թարգմանությունը՝ Էմմա Չոբանյանի
