27.04.2025 | 21:41
Վիզայի ժամկետից ավել մնալու դեպքում կարող է սահմանվել մշտական մուտքի արգելք․ ԱՄՆ դեսպանատուն
Եթե դիվիզիոնի ղեկավար կազմը ճիշտ գործեր` կորուստներ չէին լինի․ Ցորի գործով փորձագետի եզրակացությունը․ ՏԵՍԱՆՅՈՒԹ
Հասարակություն
15.04.2025 | 13:42
Ջալալ Հարությունյանի գործով դատավորն անտեսել է վարույթի շրջանակներում նշանակված ռազմագիտական փորձաքննության եզրակացությունը, փորձագետներին չի հրավիրել դատարան և ոչ թե նոր փորձաքննություն է նշանակել։ Այս մասին լրագրողների հետ զրույցում ասաց Ջալալ Հարությունյանի փաստաբաններից Անդրանիկ Մնացականյանը։ Հիշեցնենք, որ Հարությունյանը 2 ամիս առաջ մեղավոր է ճանաչվել 44-օրյա պատերազմի ժամանակ ծառայության նկատմամբ անփույթ վերաբերմունք դրսևորելու համար և դատապարտվել 5 տարի, 6 ամիս ժամկետով ազատազրկման։ Ըստ նրա վերաբերյալ քրեական գործի՝ Դ20 դիվիզիոնի վրա հակառակորդի հարձակման ժամանակ դիվիզիոնի հրամանատարությունը կապ է հասատել Ջալալ Հարությունյանի տեղակալ, հրետանու գծով պետ Գենադի Բաղդասարյանի հետ, հայտնել հակառակորդի հարձակման մասին, սակայն Ջալալ Հարությունյանն ասել է, թե մոտեցողները յուրայիններ են, ինչի հետևանքով Ցորի զորամասի 20 զինծառայող հայտնվել է հակառակորդի հսկողության ներքո և սպանվել։
Անդրանիկ Մնացականյանը, սակայն, պնդում է, որ գործի շրջանակներում նշանակված ռազմագիտական փորձաքննության եզրակացությամբ հիմնավորվում է, որ եթե դիվիզիոնի ղեկավար կազմը ճիշտ գործեր` մարդկային կորուստների չէին լինի։
Մանրամասները՝ տեսանյութում։
Արաքս Մամուլյան
