08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ղրղզստանում ՌԴ դեսպանը կանչվել է ԱԳՆ․ նրան բողոքի նոտա է հանձնվել
Քաղաքականություն
14.04.2025 | 16:21
Ղրղզստանում ՌԴ դեսպան Սերգեյ Վակունովը կանչվել է այդ երկրի ԱԳՆ, նրան նոտա է հանձնվել Մոսկվայի լոգարանային համալիրում ղրղզների ձերբակալման կապակցությամբ։ Այս մասին հայտնում է Ղրղզստանի ԱԳՆ-ն։
«2025 թվականի ապրիլի 11-ին Մոսկվայի «Բոդրոստ» համալիրում Ղրղզստանի քաղաքացիների զանգվածային ձերբակալությունների կապակցությամբ ապրիլի 14-ին Ղրղզստանի ԱԳ նախարարությունում տեղի է ունեցել հանդիպում արտաքին գործերի փոխնախարար Ալմազ Իմանգազիևի և ՌԴ արտակարգ և լիազոր դեսպան Սերգեյ Վակունովի միջև»,- ասվում է հայտարարության մեջ։
Հաղորդվում է, որ ռուսական կողմին հանձնվել է պաշտոնական նոտա՝ խնդրանքով տեղեկատվություն տրամադրել իրավապահ մարմինների կողմից իրականացված գործողության հիմքերի, ինչպես նաև քաղաքացիների նկատմամբ ուժի կիրառման վերաբերյալ, և եթե ուժի կիրառումն անհիմն է, ապա այս միջադեպի կապակցությամբ համապատասխան միջոցներ ձեռնարկել Մոսկվայի իրավապահ մարմինների ներկայացուցիչների նկատմամբ։
Միաժամանակ, կոչ է արվել ձեռնարկել արդյունավետ միջոցներ՝ Ղրղզստանի քաղաքացիների իրավունքները պաշտպանելու և ապագայում նմանատիպ իրավիճակից խուսափելու համար, որը կարող է վնասել ղրղզ-ռուսական դաշնակցային և ռազմավարական գործընկերային հարաբերություններին։
Հավելենք, որ Մոսկվայում «Բոդրոստ» բաղնիքում ուժայինները ռեյդ էին անցկացրել տեղի բնակիչների բողոքներից հետո։ Ապրիլի 11-ին խուզարկությունների ժամանակ նկարահանված տեսանյութը հրապարակվել էր սոցիալական ցանցերում։ Կադրերում երևում են տասնյակ տղամարդիկ, որոնք պառկած են գետնին, ձեռքերը՝ գլխների հետևում։
Թարգմանությունը՝ Էմմա Չոբանյանի
